«ԿԱՐՈՂԱՑԵԼ Է ՄԵԾԱՔԱՆԱԿ ԿՈՐՈՒՍՏՆԵՐ ՊԱՏՃԱՌԵԼ ԹՇՆԱՄՈՒՆ». ԱՆՄԱՀ ՀԵՐՈՍ ԳԵՎՈՐԳ ՀՈՒՆՈՅԱՆ

2020 թվականի Արցախյան 44-օրյա դաժան պատերազմում ցավոք կորցրեցինք հազարավոր լուսավոր երիտասարդների, նրանցից մեկն էլ ԳԵՎՈՐԳ ՀՈՒՆՈՅԱՆՆ էր։ Այսօր, փետրվարի 10-ը, նրա ծննդյան օրն է, կդառնար 24 տարեկան ։Ծնվել է 2001 թվականին Շիրակի մարզի Ախուրյան համայնքի Ազատան գյուղում։ Ազատանի հերոսների պանթեոնում գտնվող նրա հուշարձանին են այցելել հարազատներ, համագյուղացիներ, ծաղիկներ խոնարհել ու խնկարկել։

Անմահ հերոսի եղբայրը ՎԱՐԴԳԵՍԸ, Iravunk. com -ի Շիրակի մարզի թղթակցի հետ խորը ցավը սրտում նշեց. «Եղբայրս միշտ ասում էր, որ Արցախում է ծառայելու և հենց այդպես էլ եղավ։ 2019֊ի հուլիսի 9֊ից ծառայության է անցել Արա լեռան զորամասում, սակայն պատերազմի առաջին օրվանից սկսած եղել է ամենաթեժ կետերում։ Նա առանց վարանելու կատարել է իր առջև դրված բացառապես բոլոր մարտական առաջադրանքներն ու իր գրադ տեխնիկայի հրետանիով կարողացել է մեծաքանակ կորուստներ պատճառել նենգ թշնամուն և նույնիսկ նրան հետ չի պահել իր հրետանու անսարք վիճակը, ժամանակին ճիշտ կողմնորոշվելով, կարողացել է շատ արագ վերանորոգել ու կրկին անցնել մարտական գործողությունների կատարմանը։ Ամեն օր զանգում էր ու բոլորից հարցնում ասում էր հո մեր գյուղից մարդ չի եկել, թող ոչ ոք չգա, ես կկռվեմ բոլորի փոխարեն։ Եվ, այո, նա կռվեց մեր բոլորի փոխարեն, չխնայելով ոչ մի բան։ Հայրենասիրությունն նրա հոգու մեջ էր, նա ոչ մի անգամ չէր խոսում այդ մասին, բայց իր կռվով ապացուցեց»։

ՇՆՈՐՀԱՎՈՐ ԵՐԿՆԱՅԻՆ ԾՆՈՒՆԴԴ ԱՆՄԱՀ ՀԵՐՈՍ ։ՔՈ ՍԽՐԱՆՔՆ ԱՆՄԱՀ Է, ՔՈ ԱՆՈՒՆԸ ՄԵՐ ՍՐՏԵՐՈՒՄ... ՀԱՎԵՐԺ ՓԱՌՔ ՄԵՐ ԲՈԼՈՐ ԱՆՄԱՀ ՀԵՐՈՍՆԵՐԻՆ...

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Էլ մեղավորներ չեմ փնտրում… Հայտնի փաստաբանը «Իրավունքի» խնդրանքով 6 տարի անց վերապրեց դաժան պատմության էջը 3833 զոհ, 191 անհայտ կորած. 44-օրյա պատերազմից անցել է վեց տարի 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան CNN. ԱՄՆ-ն քիչ էր մնացել, որ պատերազմ սկսեր Չինաստանի հետ ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ