Հանգի՛ստ թողեք մեր հիմնի բառերը. ՀՀ վաստակավոր արտիստ

ԱԺ նախագահ Ալեն Սիմոնյանի եւ ՔՊ-ական պատգամավորներ Սիսակ Գաբրիելյանի ու Թագուհի Ղազարյանի առաջարկով՝ փոփոխություններ եւ լրացումներ են կատարել «ՀՀ օրհներգի մասին» օրենքում եւ հիմնի տեքստը վերադասավորել է այնպես, որ ավարտվում է՝ «Թող միշտ պանծա Հայաստան» տողով՝ «Բայց երանի, որ յուր ազգի Ազատության կզոհվի» տողի փոխարեն:

ԿԳՄՍ նախարար Ժաննա Անդրեասյանը, ներկայացնելով Կառավարության դրական դիրքորոշումը նախագծի վերաբերյալ, նշել է, որ այն ամբողջությամբ համահունչ է պետության կողմից վարվող քաղաքականությանը: Այսպիսով՝ օրենքն ընդունվել է երկրորդ ընթերցմամբ եւ ամբողջությամբ՝ կողմ` 65, դեմ` 1, ձեռնպահ` 32 ձայներով:

Անդրադառնալով վերոնշյալին՝ «Իրավունք»-ը զրուցել է ՀՀ վաստակավոր արտիստ, երգչուհի ԳԱՅԱՆԵ ՆԵՐՍԻՍՅԱՆԻ հետ:

— Որոշ ժամանակ առաջ լուրերով տեսանք, թե ինչպես ուսապարկերից մեկը ջանում էր ձեռքի ձեւական շարժումներով առաջարկել փոխել մեր պետության հիմնի բառերը: Այդ պահին ջանում էր հնարավորինս գեթ մեկ ակնթարթ ավել երեւալ տեսախցիկով՝ որպես իբրեւ լուրջ գործիչ:

Մեր ժողովուրդը տարիներ շարունակ չի ճանաչում Ազգային ժողովի դահլիճում նստած ուսապարկերից մեծ մասին, ովքեր դահլիճում նստած զբաղված են հեռախոսների մեջ նայելով, որոնք, պարզապես, գլխաքանակ են կազմում՝ անհրաժեշտ պահին հենարան դառնալ ազգադավ պատուհասին՝ քանդելով մեր պետության հիմքերը:

Ցանկանում եմ այդ ուսապարկերին հորդորել, որ իրենց հարմար գործ գտնեն եւ մեր հիմնի բառերը հանգի՛ստ թողնեն:

ՀՐԱՆՏ ՍԱՐԱՖՅԱՆ

Այս թեմայով Դա նշանակում է հարվածել գոտկատեղից ներքեւ. Հայտնի փաստաբանը հայտարարությամբ է հանդես եկել Ափսոս…կովկասյան թաթարները քայլեցին Կարմիր հրապարակով, իսկ Հայաստանը ներկայացված չէր. Ներսիսյան Ո՞վ իրավունք ունի ինձ իմ տնից հանելու. Գայանե Ներսիսյանը հուզվեց Ազգադավ պատուհասի պատճառով արցախցիները տնավեր դարձան. Գայանե Ներսիսյան Թուղթուգիր, սև պատարագներ․Հայտնի աստղաբանը տալիս է բանալին՝ ինչպես ազատվել սև մոգերի ճիրաններից