Վանաձորի դրամատիկական թատրոնը մասնակցում է Թեհրանի «Ֆաջր» փառատոնին

Իրանի Իսլամական Հանրապետության Թեհրան քաղաքում հունվարի 22-ից փետրվարի 1-ը անցկացվել է «Ֆաջր» միջազգային 43-րդ թատերական փառատոնը: 

«Ֆաջր» թատերական փառատոնն Իրանում արվեստի ոլորտի կարևորագույն միջազգային իրադարձություններից է: Վանաձորի դրամատիկական թատրոնը փառատոնին ներկայացել է Կարինե Խոդիկյանի «Մեկ ժամ հիշողություն» ներկայացմամբ (բեմադրությունը` ՀՀ ժողովրդական արտիստ Վահե Շահվերդյանի)։

Ներկայացումը բեմադրվել է 2015 թվականին` նվիրված Հայոց ցեղասպանության 100-ամյա տարելիցին։ 2015 թվականի նոյեմբերի 24-ին հյուրախաղով հանդես է եկել Երևանում։ 2016 թվականին «Արտավազդ» թատերական մրցանակաբաշխության ժամանակ արժանացել է մրցանակի` «Տարվա լավագույն» ներկայացում անվանակարգում։ 2024 թվականին մասնակցել է «Թատերական Լոռի» 30-րդ միջազգային թատերական փառատոնին։

Ներկայացվում է ցեղասպանված մի ընտանիքի պատմություն, բայց գործողությունները կատարվում են իրականի ու երևակայականի սահմանագծում. 21-րդ դարն ու 1915-ը խաչաձևվում են էրզրումյան` այլևս գոյություն չունեցող տան պատերի ներսում։  «Մեկ ժամ հիշողություն» ներկայացման մեջ առանց արյունոտ և դաժան դրվագների, սակայն ամենայն հանգստությամբ, խորությամբ ու կսկիծով է ներկայացվում հայ մարդու ճակատագիրը: Երբեմն այդ կարծեցյալ հանգստության հետևում քողարկված է իսկական ողբերգությունը:

Այս թեմայով Առաջիկա 10 օրերին էլ ձյուն չի լինի, հանրապետության ողջ տարածքում կլինի պարզ երկինք և առանց տեղումների եղանակ. Գագիկ Սուրենյան (Տեսանյութ) TRIPP-ի կյանքի կոչվելը որեւէ կերպ չի կարող սպառնալ Իրանի անվտանգությանը. Իրանահայ խմբագիրը մանրամասներ է ներկայացնում Նիկոլի ճիպոտի համը տեսել է, որ նման կոչեր է անում. ԸՆԿԵՐ ՓԱՆՋՈՒՆԻ Եվրասիայի աշխարհաքաղաքական քարտեզը մտնում է նոր վերաձևավորման փուլ.Թեհրան–Մոսկվա–Երևան ռազմավարական եռանկյունի ԱՀԱԶԱՆԳ. Արցախի հարցը փակվում է ոչ միայն քաղաքական, այլև բարոյաիրավական հարթությունում