«Երեք նախագահների թիմերը մտահոգվելու բան չունեն». ՀՀԿ-ն Փաշինյանից պահանջում է հրապարակել ԼՂ կարգավորման բոլոր միջնորդների պաշտոնական առաջարկներն ու ՀՀ պաշտոնական պատասխանները

ՀՀԿ-ն Նիկոլ Փաշինյանից պահանջում է հրապարակել արցախյան կարգավորման բոլոր միջնորդների պաշտոնական առաջարկներն ու Հայաստանի պաշտոնական պատասխանները։

«Թող հրապարակի, ՀՀ 3-րդ նախագահի թիմը մտահոգվելու բան չունի և, կարծում եմ, ՀՀ առաջին ու երկրորդ նախագահների թիմերն էլ մտահոգվելու բան չունեն»,- լրագրողների հետ հանդիպմանն ասաց ՀՀԿ ԳՄ անդամ Էդուարդ Շարմազանովը։

Նա նշեց, թե ՀՀ երեք նախագահների ժամանակաշրջանում Արցախը եղել է հայկական ու անկախ։

«Սերժ Սարգսյանի բանակցած վերջին պաշտոնական փաստաթուղթը եղել է Կազանյան փաստաթուղթը, որը հրապարակվել է, ու Նիկոլ Փաշինյանն է ասել, որ Կազանյան փաստաթուղթը երբևէ առաջարկված ամենալավ տարբերակն է եղել»,- ասաց Շարմազանովը։

Ըստ նրա՝ Կազանյան փաստաթղթից հրաժարվել է ոչ թե Սերժ Սարգսյանը, այլ՝ Իլհամ Ալիևը, որի մասին 2016 թվականին ՀՀ ԱԳ նախկին նախարար Էդվարդ Նալբանդյանի հետ համատեղ ասուլիսում ասել է ՌԴ ԱԳ նախարար Սերգեյ Լավրովը։

«Թող հրապարակի, հայ ժողովուրդն էլ տեսնի»,- նշեց նա։

Անդրադառնալով Նիկոլ Փաշինյանի խոսքերին, թե այլևս ՀՀ նախկին նախագահների հետ բանավիճելու բան չունի՝ Շարմազանովն ասաց. «Իսկ իր հետ ո՞վ է բանավիճել, որ մի հատ էլ ինքը բանավիճելու չունի։ Այնպիսի տպավորություն է, որ պաշտոնաթող նախագահները գյուլլա են գցել Նիկոլի հետ բանավեճի գնան, ինքն էլ ասում է՝ բավանիճելու չունեմ։ ՀՀ երեք նախագահներն էլ ասել են՝ հեռու խաղա»,- ասաց ՀՀԿ ԳՄ անդամը։

Այս թեմայով Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Արդարադատությունը քնում է, բայց չի մահանում․ ԸՆԿԵՐ ՓԱՆՋՈՒՆԻ 20 մլրդ դրամ Հայկ Սարգսյանի պատճառով չի մտնի պետբյուջե. Oragir.News