Ինչու հենց Ավետիսյան դպրոցում հայտնվեց Մեջլիսի նախկին պատգամավոր Կարո Փայլանը

Մամուլում լայն արձագանք է գտել այն, որ Երեւանի Մալաթիա-Սեբաստիա վարչական շրջանում գտնվող Ավետիսյան դպրոցում օրեր առաջ բարձր դասարանների աշակերտներին հավաքել են եւ ասել, որ նրանց հյուր է եկել Թուրքիայի քաղաքացի, Մեջլիսի նախկին պատգամավոր Կարո Փայլանը։

Ըստ լրատվամիջոցներում տեղ գտած հրապարակումների` Փայլանի կողմից իրականացվել է պրոթուրքական քարոզչություն: Իսկ թե ինչու հենց այս դպրոցում «պարարտ հող գտան» նման օպերացիա իրականացնելու համար, բավական ուշագրավ է:

Պարզվում է՝ ոչ պետական միջնակարգ հանրակրթական այս հաստատությունը ստեղծելու մտահղացումը կապված է Խորեն եւ Շուշանիկ Ավետիսյանների, նրանց որդու՝ Էդվարդ Ավետիսյանի, նրա կնոջ՝ Փամելա Ավետիսյանի, Ամերիկայի Հայ Ավետարանչական ընկերակցության (ԱՀԱԸ) 1987-2000 թթ. գործադիր տնօրեն վերապատվելի դոկտոր Մովսես Ճանպազյանի անվան հետ: Այսպիսով՝ դպրոցի պաշտոնական կայքում ասված է, որ 1999 թվականից գործող Խորեն եւ Շուշանիկ Ավետիսյան դպրոցը ղեկավարվում է Ամերիկայի Հայ Ավետարանչական ընկերակցության կողմից: Ավելին՝ հիմնադիր եւ հոգաբարձուների խորհրդում կարելի է տեսնել Հայ Ավետարանչական ընկերակցության վերնախավին անուն-ազգանունները:

«Հայոց եկեղեցու պատմություն» առարկան դպրոցներից հեռացրած ԿԳՄՍ նախարարության թողտվությա՞մբ է այս ամենը իրականացվում, թե՞ տեղյակ չեն՝ ովքե՞ր են Հայ Ավետարանչականները: Հիշեցնենք՝ 1846 թ. հունիսի 21-ին Մատթեոս պատրիարքը բանադրել է նրանց: 1861 թ. ապրիլի 25-ի կոնդակով Մատթեոս Ա կաթողիկոսը կրկնել է նույնը: Ի դեպ, ցայսօր այդ բանադրանքը կամ նզովքը վերցված չէ: Իսկ որ այս ընկերակցությունն իր գործունեությամբ աղանդավորական է, ամենայն մանրամասնությամբ փաստարկված է Արմեն Կարապետյանի «Ավետարանական» աղանդ կամ մի «բարենորոգչության» պատմություն» գրքում: Ահա, թե ինչպիսի կառույցների ձեռամբ Թուրքիայի քաղաքացին հայտնվեց հայաստանյան դպրոցում:

ՀՐԱՆՏ ՍԱՐԱՖՅԱՆ

Այս թեմայով Այս կանոնը փորձելու եմ կիրառել «ԴՕԿ» դաշինքի նախընտրական ծրագրային դրույթներում. Աղմկահարույց գործերով հայտնի փաստաբանի բացառիկ զեկույցը Այն փաստը, որ ամուսինս ավետարանչական է ինձ չի անհանգստացնում, ես մկրտված եմ. Անահիտ Ավանեսյան Աղա՞նդ ես սարքում, ինչի՞ ես խառնվում Եկեղեցու հարցերին․ Փաշինյանն իր սրտի Կաթողիկոսին է ուզում դնել Շնորհիվ «Լեվ Գրուպ» փաստաբանական գրասենյակի ղեկավար Լեվոն Բաղդասարյանի՝ բարձր ատյանում արձանագրվեց «Իրավունքի» բացարձակ հաղթանակը «Կյանքի խոսքի» նկատմամբ Սահմանադրության փոփոխությունից զատ, Նիկոլը մի ական էլ դրեց եկեղեցու տակ