Այո, Կարո Փալյանը այցելել է դպրոց, եկել է Դինքի դասասենյակ. Ավետիսյան դպրոցի տնօրենը բացառիկ մանրամասներ է ներկայացնում

Երևանի Մալաթիա-Սեբաստիա վարչական շրջանում գտնվող Ավետիսյան դպրոցում (դպրոցը ոչ պետական միջնակարգ հանրակրթական հաստատություն է, որը գործում է 1999 թվականից) մոտ երկու օր առաջ բարձր դասարանների աշակերտներին հավաքել են և ասել՝ պատրաստ եղեք, կարևոր հյուր է գալու, ձեզ լավ կպահեք։ Պարզվում է՝ դպրոց հյուր է եկել Թուրքիայի Մեջլիսի նախկին պատգամավոր Գարո Փայլանը: Այս մասին տեղեկություն էր տարածվել լրատվամիջոցներից մեկում, որտեղ մասնավորապես նշվում է. «Հանդիպմանը խոսվել է, որ հայերը պետք թուրքերի հետ հաշտ ապրեն, հանեն իրենց միջից թշնամանքը, իրենց խելոք պահեն, այլապես՝ թուրքերը նորից կմորթեն հայերին։ Ու իբրև շանտաժ՝ հանդիպմանն օրինակ է բերվել հայության վերջին գոյապայքարը, ասվել՝ ձեզ նման հազարավոր ջահելներ ևս գնացին կռվեցին, ու բոլորին կոտորեցին։ Ասվել է նաև, որ եթե դասեր չքաղեք՝ ձեզ էլ նույն կերպ կկոտորեն»:

Ինչ նպատակով է այցել դպրոց Փալյանը, եւ ինչ իրավունք է իրեն վերապահել հայկական հողի վրա թուրքական քարոզչություն իրականացնել մատաղ սերնդի ներկայությամբ փորձել ենք հետաքրքրվել Ավետիսյան դպրոցի տնօրեն տիկին Մելանյա Գեղամյանից, ով, նախ բավականին վրդովված տոնով հայտարարեց, որ տարածված լուրը հերյուրանք է եւ, որ իրենք պատրաստվում են հանդես գալ հերքմամբ.

-Չկա նման, սուտ է, զրպարտություն, մենք շուտով փաստերով հերքելու ենք:

-Այսինքն չի՞ եղել Ձեր դպրոցում Փալյանը:

-Ո;չ եղել է, բայց նման քարոզ կամ հանդիպում չի եղել:

-Այդ դեպքում ի՞նչ նպատակով է եկել:

-Մենք դպրոցում Հրանդ Դինքին նվիրված սենյակ ունենենք, նա ընդամենը ցանկություն էր հայտնել այցել Դինքի անվան դասասենյակ, ընթացքում երեխանորը հավաքվել են, ում ինչ հարցեր հուզել տվել են, բայց նման բովանդակության զրույց տեղի չի ունեցել:Այսքանը ես հիմա հիվանդանոցում եմ, ստենդավորվում եմ, խնդրում եմ էլ մի անհանգստացրեք: Մենք շուտով հանդես ենք գալու հերքումով:

Այս թեմայով Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել «Վրաստանը կարող է ամբողջությամբ զրկվել առանց վիզայի ռեժիմից». Եվրահանձնաժողովի զեկույցը Հորոսկոպ. 2025 թվականի վերջին նորալուսինը և դրա կարևորությունը Արշակին պաշտպանողներն են ինձ քննադատում ուրիշ ոչ մեկ. Ուրացած Սրբազանը մի այլ կարգի հպարտ է Վազգեն եպիսկոպոս Միրզախանյանը վերջին հարցազրույցներից մեկում շնությունը (պոռնկությունն) անվանել է բնական մեղք