Երբ սկսեցի մարզել Մխիթարյանին, հասկացա որ նա սպասվածից ուժեղ է. Ինձագի

«Արմենպրես»-ը «Ինտեր»-ի մամուլի ծառայության միջոցով մենք երեք հարց է ուղղել գլխավոր մարզիչ Սիմոնե Ինձագիին՝ Հենրիխ Մխիթարյանի ունեցած ներդրման, խաղի վրա ազդեցության և «Ինտեր»-ի տակտիկական կառուցվածքում նրա կարևորության մասին՝ Չեմպիոնների լիգայի խմբային փուլի «Ինտեր»-«Մոնակո» հանդիպումից առաջ։

- Պարոն Ինձագի, սա Մխիթարյանի երրորդ մրցաշրջանն է «Ինտեր»-ում, որտեղ նա ապահովում է սահուն կապ պաշտպանության և հարձակման միջև։ Որո՞նք են Մխիթարյանի այն որակները, որոնք Դուք ամենից շատն եք գնահատում՝ «Ինտեր»-ի խաղերում նրան մեկնարկային կազմում ընդգրկելու համար։

- Մխիթարյանը գերխելացի խաղացող է. միշտ թիմին ծառայելու պատրաստակամություն ունի։ Ես շատ ուրախ եմ նրան մարզելու համար։ Նա ինձ համար բացահայտում չէր, քանի որ դեռևս «Լացիո»-ում աշխատելու տարիներին տեսել էի, թե որքան ուժեղ է նա «Ռոմա»-ի կազմում, հատկապես դերբիների ընթացքում։ Ես գիտեի, որ նա իսկապես ուժեղ խաղացող է, բայց երբ սկսեցի նրան մարզել, հասկացա, որ նա շատ-շատ ուժեղ է, սպասվածից ավելին։

- Իհարկե, խաղային որակներն ամենակարևորն են ֆուտբոլիստի համար, սակայն ի՞նչ կասեք Մխիթարյանի անհատականության մասին։ Նա արդյո՞ք Ձեզ համար ֆուտբոլիստի իդեալ է։

- Նա մեծ անհատականություն ունի և թիմում առաջատարներից մեկն է։ Միշտ գիտի ճիշտ ձևով արտահայտվել և ճիշտ պահին։

- Մխիթարյանն ունի խաղը կարդալու լավ ունակություն, ճիշտ պահին նկատելու խաղընկերներին, փոխանցումներով գտնելու նրանց ազատ գոտիներում, սակայն երիտասարդ տարիներին նա ավելի շատ գոլեր էր խփում։ Նա Ուկրաինայի առաջնության մեկ մրցաշրջանի լավագույն ռմբարկուն է դեռևս։ Ձեր կարծիքով, կարո՞ղ է նա այս մրցաշրջանում ավելի շատ գոլեր խփել «Ինտեր»-ի համար, թե՞ դա նրա առաջնային խնդիրը չէ Ձեր տակտիկական կառուցվածքում։

- Նա հսկայական աշխատանք է կատարում թիմի համար։ «Ռոմա»-ում և «Արսենալ»-ում նա այլ դիրքում էր խաղում։ Մեր սխեմայում՝ երեք կիսապաշտպանով, դաշտում խաղացողները հաճախ ռոտացիայի են ենթարկվում, ուստի նա հաճախ հեռու է լինում մրցակցի դարպասից։ 

Շարունակությունը սկզբնաղբյուրում։

Այս թեմայով Մխիթարյանը կարող է բաց թողնել «Տորինոյի» դեմ կայանալիք հանդիպումը Անձնապես ես «Ոսկե գնդակը» կտայի Հենրիխ Մխիթարյանին. Բենուա Կոե Գրոհը «սպանողի» բնազդ դեռ չունի. Մխիթարյանը` Յամալի խաղի մասին Հայկական շոգեքարշը ժամանում է նշանակման վայր. «Ինտերի» տեսանյութը`Մխիթարյանի մասին Չեմպիոնների լիգայի հաղթողի հիմնական հավակնորդ է ՊՍԺ-ն է. Opta