Կանադայում հայտարարել են՝ «ռեպրեսիվ» պատասխան կտան Թրամփին

Կանադայի վարչապետի թեկնածու Քրիստիա Ֆրիլենդը Օտտավային կոչ է արել արագ և «ռեպրեսիվ» արձագանքել ԱՄՆ նախագահ Դոնալդ Թրամփի՝ կանադական ապրանքների վրա մաքսատուրքեր սահմանելու ծրագրերին։ Այս մասին գրում է բրիտանական Financial Times թերթը։

«Ֆրիլենդը, ով հավակնում է Ջասթին Թրյուդոյին փոխարինել վարչապետի պաշտոնում, Օտտավային կոչ է արել արագ և ուժգին արձագանքել, եթե ԱՄՆ նախագահը կատարի Կանադայի և Մեքսիկայի վրա այս շաբաթավերջից 25 տոկոս մաքսատուրքեր սահմանելու իր սպառնալիքը», - գրում է թերթը:

Կանադայի վարչապետի թեկնածուն ասել է, որ երկիրը պետք է սպառնա 100 տոկոսով մաքսատուրքեր սահմանել Tesla-ի բոլոր մեքենաների և ամերիկյան լիկյորի վրա, եթե Օտտավայի հանդեպ «անարդարացիորեն մաքսատուրք սահմանեն»:

Ըստ FT-ի՝ Ֆրիլենդի հայտարարությունը վկայում է «Վաշինգտոնի հետ առևտրային վեճի կտրուկ սրման մասին», որը բռնկվեց այն բանից հետո, երբ Թրամփը հայտարարեց, որ փետրվարի 1-ից մաքսատուրքեր կսահմանի Միացյալ Նահանգների երկու խոշորագույն առևտրային գործընկերների վրա։

Այս թեմայով Կանադան բանակցություններ է վարում ԵՄ-ի հետ՝ նվազեցնելու երկրի պաշտպանական կախվածությունը ԱՄՆ-ից․ AP «Օ՜, Կանադա». Թրամփը կրկին հրապարակել է Կանադայի տարածքը ԱՄՆ դրոշի ներքո Հայ համայնքը չեղարկել է Ալեն Սիմոնյանի գլխավորած պատվիրակության Կանադա այցն ու պաշտոնական հանդիպումները․ Yerevan.Today Կա Նիկոլ, ուրեմն՝ չկա Արցախ, չկա Արցախ, ուրեմն՝ չի՛ լինելու Հայաստա՛ն. Խորեն Մարդոյան Խորապես վիրավորված ենք բոլորս, Ալեն Սիմոնյանը թքել է Հայրենիք-Սփյուռք միասնության վրա. դոկտ. Խաժակ Գուլաճյան