Հայոց ցեղասպանության իրողությունը սակարկման ենթակա չէ. Սկանդինավիայի հայերի միությունը խստորեն դատապարտում է

Սկանդինավիայի հայերի միությունը հայտարարությամբ է հանդես եկել՝ անդրադառնալով վարչապետի աթոռը զբաղեցնող Նիկոլ Փաշինյանի Հայոց ցեղասպանության ժխտողական արտահայտություններին:

«Հայաստանի Հանրապետության վարչապետի պաշտոնը զբաղեցնող Նիկոլ Փաշինյանի վերջերս Շվեյցարիայում կատարած հայտարարությունը ոչ այլ ինչ է, քան թշնամանք հավաքական հայ ժողովրդի նկատմամբ եւ թուրքական ժխտողական քաղաքականության սպասարկում։

Հայոց ցեղասպանությունը կասկածի տակ դնելը հայ ժողովրդի միջազգայնորեն հաստատված իրավունքների ուրացում է, պատմության նկատմամբ ոտնձգություն, հայ ժողովրդի հիշողության ոչնչացման փորձ եւ անարգում է ցեղասպանության զոհերի հիշատակն ու նրանց սերունդներին։

Հայոց ցեղասպանությունը ոճրագրործություն է համայն մարդկության դեմ, իսկ ցեղասպանությունների կանխարգելումը՝ հիմնված դրանց դատապարտման եւ արդարության վերականգնման հիման վրա։ Նիկոլ Փաշինյանի գործելաոճը ոչ միայն ապազգային է եւ ի վնաս հայ սերունդների կողմից արդարության համար մղված պայքարին, այլեւ հակամարդկային է եւ նսեմացնում է ցեղասպանությունների ճանաչմանն ու կանխարգելմանն ուղղված համամարդկային ջանքերը։ Նման վարքագիծը Թուրքիայի պահանջների ուղիղ իրագործում է։ 

Սկանդինավիայի հայերի միությունը խստորեն դատապարտում է Նիկոլ Փաշինյանի այս կոնկրետ հայտարարությունը եւ նրա՝ Հայոց ցեղասպանության ժխտման քաղաքականությունն ընդհանրապես։ Եվ հստակ վերահաստատում, որ Հայոց ցեղասպանության իրողությունը սակարկման ենթակա չէ։

 Բացի այդ, կոչ ենք անում համայն հայությանը համախմբվել ազգային ու պետական գաղափարների շուրջ», - ասված է հայտարարության մեջ:

Այս թեմայով «Փաստ». Արտահերթ ընտրությունները՝ «փրկօղա՞կ» Նիկոլ Փաշինյանի համար Նախորդ սահմանադրական հանրաքվեները չեն արտահայտել ժողովրդի կամքը․ Փաշինյան Կիրիլ պատրիարք շնորհավորել է Հայոց Հայրապետին և Արամ Ա կաթողիկոսին Զատիկի տոնի առիթով Ցեղասպանության չփարատվող ցավը խորանում է այն կասկածի տակ դնելու կամ ժխտելու դատապարտելի փորձերով․ Վեհափառ Աննա-նիկոլական արշավանքները Հայաստանում