ՇՏԱՊ. «Օլիմպիակոս»-«Գարաբաղ» խաղի ժամանակ Հունաստանի հայերը բարձրացրել են Արցախի դրոշը

Եվրոպական Լիգայի շրջանակներում տեղի ունեցած հունական «Օլիմպիակոս» եւ ադրբեջանական «Գարաբաղ» թիմերի ֆուտբոլային խաղի ընթացքում, Հունաստանի հայերը կազմակերպել են հիշարժան ակցիա՝ բարձրացնելով Արցախի հանրապետության դրոշը։

Ըստ ներկաների, ակցիան տեղի է ունեցել առաջին խաղակեսի ժամանակ, երբ ֆուտբոլիստները պատրաստվում էին սկսել խաղը։ Հայ համայնքի անդամները, որոնք հավաքվել էին «Օլիմպիակոսի» երկրպագուների շարքերում, ծածանել են Արցախի դրոշը, ինչն անմիջապես գրավել է ֆուտբոլիստների եւ երկրպագուների ուշադրությունը։

Հունաստանի հայ համայնքն այս կերպ փորձում է բարձրաձայնել Արցախի ժողովրդի տառապանքը, ուշադրություն հրավիրել Արցախի հիմնախնդրի վրա եւ համընդհանուր գիտակցության մեջ ամրապնդել մի ողջ ազգի իր բնօրրանում ապրելու իրավունքը, միեւնույն ժամանակ՝ ի ցույց դնելով Ադրբեջանի ծավալապաշտական ու ցեղասպան դեմքը, եւ այն, որ մենք չենք մոռացել 1915 թվականի Հայոց ցեղասպանությունը:

Հավելենք, որ խաղն ավարտվեց 3:0՝ հօգուտ հունական թիմի:

ՀՐԱՆՏ ՍԱՐԱՖՅԱՆ

Այս թեմայով Այսօր կայանալիք ֆուտբոլային հանդիպումները Ինչ արժեն Հայաստան - Լատվիա խաղի տոմսերը ԱՄՆ-ում հնարավոր է հանդիպեն Թուրքիայի ու Հունաստանի առաջնորդները Չլիցենզավորված առցանց խաղային գործունեության նկատմամբ պետական վերահսկողությունը կուժեղանա․ ՊԵԿ Հայաստանի հավաքականի կիսապաշտպանը տեղափոխվեց Ռուսաստանի Պրեմիեր լիգա