Մինչև հունիսի 1-ը կթույլատրվի Սևանա լճից 314 տոննա սիգ որսալ

Կառավարությունն այսօրվա նիստում կընդունի «2025 թվականի ընթացքում Սևանա լճում ձկան և  խեցգետնի արդյունագործական որսի չափաքանակները և ժամկետները, արդյունագործական որսի կազմակերպման պայմաններն ու պահանջները սահմանելու մասին» որոշումը։

«Հիմք ընդունելով նախագծով սահմանված կարգավորումները՝ նախատեսվում է 2025 թվականի ընթացքում Սևանա լճում իրականացնել 314 տոննա սիգ ձկնատեսակի արդյունագործական որս:

Հաշվի առնելով «Սևանա լճում և նրա ջրհավաք ավազանում ձկան և խեցգետնի պաշարների հաշվառում» ծրագրի շրջանակներում ԳԱԱ «Կենդանաբանության և հիդրոէկոլոգիայի գիտական կենտրոն» ՊՈԱԿ-ի կողմից 2024 թվականի իրականացված ուսումնասիրությունների արդյունքները՝ Սևանա լճում ձկան պաշարների նվազման բացասական ռիսկերի գնահատման և ձկնային ռեսուրսների կայուն կառավարման նպատակով նախագծով արդյունագործական որսի իրականացման ժամկետ է սահմանվել մինչև 2025 թվականի հունիսի 1-ը»։ 

Նախագծով Սևանա լճում կենդանական պաշարների օգտագործման մասին պայմանագրերի գործողության ժամկետը սահմանվում է պայմանագրերի կնքման օրվանից մինչև 2025 թվականի հունիսի 1-ը։

Այս թեմայով Ամերիկյան «Patriot»-ի երեք հրթիռները չկարողացան որսալ Կատարի ավիաբազային հարվածող իրանական հրթիռը (Տեսանյութ) Փետրվարի 1-ից կթույլատրվի Սևանա լճից սիգ բռնել Սիգի արդյունագործական որսի քանակը ևս 620 տոննայով կավելացվի Փոխարենը փողոցում հնարավոր է ձեռքով ձուկ որսալ (Տեսանյութ) Ովքե՞ր են փորձում «պղտոր ջրում ձուկ որսալ». Դավիթ Տոնոյանն ակնարկներ է արել. «Փաստ»