Ալեքսանդր Գրիգորեւիչը չէր կարող չհաղթել. Ալեքսանդ Կոնյուկ

Բելառուսի Հանրապետության նախագահ արդեն 7-րդ անգամ վերընտրվեց Ալեքսանդր Լուկաշենկոն: Նրա օգտին քվեարկել է ընտրողների 86.82 տոկոսը։ Անդրադառնալով նախագահական ընտրությունների արդյունքներին՝ «Իրավունք»-ը զրուցել է ՀՀ-ում Բելառուսի արտակարգ եւ լիազոր դեսպան ԱԼԵՔՍԱՆԴՐ ԿՈՆՅՈՒԿԻ հետ:

— Պարոն դեսպան, նախ շնորհավորում ենք՝ Բելառուսն ունի նորընտիր նախագահ: Սպասելի՞ էին ընտրությունների այսպիսի արդյունքները:

— Այո, ունենք նոր, բայց հայտնի նախագահ։ Ասեմ, որ, ընդհանուր առմամբ, այս ընտրություններում ոչ մի անսպասելի բան չկար։ Ակնհայտ է, որ նման ուժեղ առաջնորդը եւ ազգի ղեկավարը, ինչպես Ալեքսանդր Գրիգորեւիչն է, չէր կարող չհաղթել։ Իսկ հաշվի առնելով ներկայիս իրավիճակը, այդ թվում՝ միջազգայինը, սա մեզ համար, իհարկե, բարենպաստ է։ Սա նշանակում է, որ Բելառուսը շարունակելու է կայուն զարգանալ, մեր երկրում խաղաղություն ու կարգուկանոն կլինի։ Իհարկե, այս մասին էլ պետք է խոսել՝ մենք հասկանում ենք, թե ովքեր են մեր շուրջը, ովքեր են մեզ հետ եւ ովքեր են մեր դեմ։ Ես սիրում եմ, որ Բելառուսը վարում է նման հստակ քաղաքականություն։ Մենք ունենք շատ լուրջ երաշխիքներ, ունենք շատ լուրջ ընկեր, որը Ռուսաստանն է։ Վստահ եմ, որ միասին մենք բոլոր հարցերը կլուծենք։

— Ընտրություններից առաջ՝ Բելառուսի նախագահն աղմկահարույց մեկնաբանությամբ հանդես եկավ՝ անդրադառնալով Հայաստանին: Ավելի քան հստակ նա բացեց փակագծեր արցախյան 44 -օրյա պատերազմի, դրանից հետո՝ Արցախի հանձնման մասին եւ հորդորեց կանգնեցնել Նիկոլ Փաշինյանին: Ի՞նչ եք կարծում՝ Հայաստանը դասեր կքաղի՞ ասվածից:

— Ես դիվանագետ եմ, դեսպան՝ Հայաստանում, ուստի՝ ավելին, քան ասել է նախագահը, ես իրավունք չունեմ ասելու եւ չեմ ասելու։

ՀՐԱՆՏ ՍԱՐԱՖՅԱՆ

Այս թեմայով ՇՏԱՊ. Լուկաշենկոն Ալեքսանդր Կոնյուկին ազատել է Հայաստանում Բելառուսի դեսպանի պաշտոնից Ժան Կլոդ Վան Դամը դիմել է Պուտինին՝ առաջարկելով գնալ ՌԴ ու դառնալ խաղաղության դեսպան. Տեսանյութ Ուկրաինայում ԱՄՆ դեսպան Բրիջիթ Բրինքը հրժարական է տվել. ինչ է սա նշանակում Կյանքից հեռացել է Ալեքսանդր Թամանյանի ծոռը Սյունիքի հետ կապված հարցերում ՀՀ-ի և Իրանի շահերը համընկնում են, միջազգային սահմանները չպիտի՛ փոխվեն. Իրանի դեսպան