Հայկ Դեմոյանն առաջարկում է հանձնախումբ ստեղծել ու հանդիպել գլխավոր դատախազին. Նա ներկայացրել է կազմը

Հասարակություն 28 Հունվար, 2025 18:20

Ցեղասպանության ինստիտուտ-թանգարանի նախկին տնօրեն, պատմաբան Հայկ Դեմոյանն առաջարկումէ հանձնախումբ ստեղծել ու հանդիպել գլխավոր դատախազին։ Ֆեյսբուքյան իր էջում նա հանձնախմբի կազմն է առաջարկել ու հնարավոր հանդիպման օրակարգը.

«Ես առաջարկում եմ փետրվարի սկզբներին հանդիպում կազմակերպել ՀՀ գլխավոր դատախազ Աննա Վարդապետյանի հետ` մի քանի խիստ կարևոր հարցեր քննարկելու օրակարգով: Հանդիպման համար առաջարկում եմ ստեղծել ժամանակավոր հանձնախումբ` հետևյալ կազմով.

Բագրատ արք. Գալստանյան – Գերագույն հոգևոր խորհրդի անդամ
Արա Պապյան – Ազգային ժողովրդավարական բևեռի խորհրդի անդամ
Տիգրան Խզմալյան – Հայաստանի եվրոպական կուսակցության նախագահ
Գեղամ Մանուկյան ԱԺ պատգամավոր, ՀՅԴ, Ազգային ժողովի պետական-իրավական հարցերի մշտական հանձնաժողովի անդամ
Աշոտ Մելքոնյան, պատմաբան, Գիտությունների ազգային ակադեմիայի պատմության ինստիտուտի տնօրեն, Հայոց ցեղասպանության թանգարան-ինստիտուտի Հոգաբարձուների խորհրդի նախկին անդամ
Ռուբեն Սաֆրաստյան, թուրքագետ, ԵՊՀ արևելագիտության ֆակուլտետի դեկան, Հայոց ցեղասպանության թանգարան-ինստիտուտի Հոգաբարձուների խորհրդի նախկին անդամ
Ռուբեն Մելքոնյան, թուրքագետ, ԵՊՀ արևելագիտության ֆակուլտետի դեկան, Հայոց ցեղասպանության թանգարան-ինստիտուտի Հոգաբարձուների խորհրդի նախկին անդամ
Աննա Գրիգորյան, Ազգային ժողովի «Հայաստան» դաշինքի պատգամավոր
Արման Թաթոյան, ՀՀ մարդու իրավունքների պաշտպան, 2016-2022 թթ.
Հայկ Դեմոյան, պատմաբան, Հայոց ցեղասպանության թանգարան-ինստիտուտի տնօրեն, 2006-2017 թթ.

ՕՐԱԿԱՐԳ

Գործող իշխանությունների կողմից Հայոց ցեղասպանության պատմական փաստը ժխտելու փորձերը, դրանք կանխարգելելու և քրեական պատժի ենթարկելու իրավաչափության հարցը:
Հայոց ցեղասպանության թանգարան-ինստիտուտում գողություն կատարելու դեպքով 2007 թ. հարուցված քրեական գործի վերաբացման հնարավորության քննարկում և ծանոթացում գողություն կատարելու մեջ կասկածվող ՀՀ արտգործնախարար Արարատ Միրզոյանի և Ազգային ժողովի պետական-իրավական հարցերի մշտական հանձնաժողովի նախագահ Վլադիմիր Վարդանյանի քրգործի շրջանակում տված ցուցմունքներին:
2017- 2018 թթ. Հայոց ցեղասպանության թանգարան-ինստիտուտում ավազակային երկու ներխուժումների արդյունքում հաստատությանը նյութական վնաս հասցնելու դրվագների ներկայացում` այդ թվում չհրապարակված տեսանյութերի տեսքով: 2021 թ. ՀՀ քննչական կոմիտեի Երևան քաղաքի քննչական վարչության Մալաթիա-Սեբաստիա վարչական շրջանի քննչական բաժնում քննվող թիվ 16871421 քրեական գործի արգելափակման և դատաքննության փուլ չտեղափոխելու հանգամանքների պարզաբանում:
Հայոց ցեղասպանության թանգարան-ինստիտուտի անվան տակ իրականացված փողերի լվացման, առանձնապես խոշոր չափի գումարների յուրացման, կարևոր ֆինանսական փաստաթղթերի ոչնչացման փաստերի ներկայացում:
2018-2024 թթ. ընթացքում գործող իշխանությունների կողմից Հայոց ցեղասպանության թանգարանում իրականացված մի շարք կոռուպցիոն գործողությունների, ադրբեջանական հակահայ ռասիստական քարոզչությանը նպաստող դրվագների ներկայացում և դրանք պատժելու հնարավորության քննարկում:

Ինչպես տեսնում եք, բոլոր ներկայացված հարցերը խիստ կարևոր են մեր երկրի անվտանգության տեսանկյունից և դրանք բացարձակ կապ չունեն որևէ անձի շահերի ու նպատակների իրագործման հետ:

Այս հրավերը բաց հրավեր է և չի կարող դիտվել որպես պարտավորություն կամ պարտադրանք: Ուստի այս ձևաչափից ու դրա օրակարգից հրաժարվելու հիմնավորումները միմիայն ողջունելի կլինեն: Լրագրողներին խնդրում եմ այս հրավերը հասցնել ցանկում հիշատակված անձանց»։

https://iravunk.com/sim/?p=304026&l=am/

Այս թեմայով

Լարված իրավիճակ՝ Կոտայքի մարզում. Պռոշյան և Քասախ գյուղերի բնակիչները փակել են Երևան-Աշտարակ գլխավոր ճանապարհը

Հատուկ ռազմական օպերացիա` 2022-2025 թթ․ Կոնֆերանս (Live News)

Մոտ ժամանակներս Հայաստանում ներքաղաքական լարումներ կարող են լինել. Հայկ Նահապետյան

Հայտնի փաստաբանը ցավակցական ուղերձ է հղել

Իրանը Լիբիան կամ Իրաքը չէ, Իրանը պատրաստ է ցանկացած հարվածի․ Խայալ Մուազզինը ԱՄՆ-Իրան հնարավոր բախման մասին