Ադրբեջանի խնդիրը այս ռեգիոնում հայի գոյությունն է. Տիգրան Աբրահամյան 

ԱԺ «Պատիվ ունեմ» խմբակցության քարտուղար ՏԻԳՐԱՆ ԱԲՐԱՀԱՄՅԱՆԻ գնահատմամբ՝ գլխավոր խնդիրն այսօր այն է, որ Հայաստանի իշխանությունները որեւէ տրամաբանության պայմաններում չեն էլ գիտակցում իրենց պարտավորութունը ոչ միայն տարբեր հատվածներում ապրող մեր հայերի իրավունքների պաշտպանության եւ վերականգնողության մասով, այլ իրենք չեն գիտակցում այն դերը, որը կարող է ունենալ Հայաստանի պաշտոնյան՝ այդ մասով պատասխանատվություն ստանձնելուց։

— Հիմնական այն դերակատարները, որոնք նաեւ մեր ռեգիոնում են ներկայացված եւ մի քանի տասնամյակ նաեւ բանակցային գործընթացում են որպես միջնորդներ եղել՝ Միացյալ Նահանգները, Ֆրանսիան, Ռուսաստանը, գրեթե նույն տեքստերով մշտապես հայտարարում են, որ արցախցիների Արցախ վերադառնալու հարցն օրակարգում է։ Բոլորը արձանագրել են, որ տեղի է ունեցել բռնի տեղահանություն, բոլորը արձանագրում են, որ նաեւ մարդու իրավունքների տեսանկյունից այդ մարդկանց վերադարձն իրենց բնօրրան բխում է նաեւ միջազգային իրավունքի տեսանկյունից, եւ միայն Հայաստանի իշխանություններն են իրենց հայտարարությունով ամբողջությամբ տեղավորվում Ադրբեջանի իշխանությունների պաշտոնական մոտեցումներում։ Բնականաբար, այս իշխանությունը եթե Արցախն իր համար հենց սկզբից էլ հայտարարել է Ադրբեջան, ապա փորձելու է նաեւ այդ տրամաբանությամբ առաջնորդվել: Որոշ մարդիկ վերջերս ասում էին, թե Հայաստանի իշխանությունն արդյո՞ք կհամաձայնի Մինսկի խմբի ֆորմատի կազմալուծմանը։ Առաջին հարցը, որ առաջանում է՝ ասում ես ինչպե՞ս կարող է դա ինչ-որ մարդկանց մոտ կասկած առաջացնել։ Եթե սրանք ամենասկզբից էլ հայտարարել են, որ Արցախը Ադրբեջան է, ապա նրանք ի՞նչ խնդիր ունեն լուծարելու այն ֆորմատները, որոնք ժամանակին զբաղվել են Արցախի բանակցային գործընթացով։ Այն ֆորմատները, որոնց ժամանակահատվածում ինքնորոշման իրավունքը որպես սկզբունք է արձանագրվել։ Այն նույն ֆորմատը, որի օրոք արձանագրվել է հիմնական սկզբունքների շուրջ փաստաթուղթը, քննարկվել է դետալներում արդեն Արցախում հանրաքվեի իրականացումը եւ այլն։ Այսինքն` այդ մնացյալ հարցերն արդեն դարձել են ոչ այնքան ակտուալ։

— Փաստացի Արցախից հետո ներկայիս իշխանությանը Ալիեւը շարունակում է սպառնալիքներ ներկայացնել, եւ հենց այդ պահանջներից մեկն էլ նաեւ այն է, որ Զանգեզուրի միջանցքը պետք է բացվի, այնուհետեւ տեղի ունենա զինաթափում, ինչը եղել է Արցախում։ Ի՞նչ կասեք այս մասին։

— Գիտեք, հասարակության մի մասին այս իշխանությունը տարբեր փուլերում ուզում էր համոզել, որ Արցախի հանձնումը Ադրբեջանին անվտանգություն, խաղաղություն եւ կայունություն է բերելու Հայաստանի Հանրապետությանը։ 2020 թվականի 44-օրյա պատերազմը, Նիկոլ Փաշինյանի կողմից նոյեմբերի 9-ի կապիտուլյացիոն եռակողմ հայտարարության ստորագրումը ըստ էության ցույց տվեց, որ Ադրբեջանի խնդիրը միայն Արցախով չէր սահմանափակվում։ Ադրբեջանի խնդիրը այս ռեգիոնում հայի գոյությունն է։

ԴԻԱՆԱ ՄԱՆՈՒԿՅԱՆ

Այս թեմայով Մեծ աղետներ են բերել այս իշխանությունները ու դեռ ինչքան էլ կբերեն, եթե մնան. Տիգրան Ավետիսյան Ինչ կարող էինք զիջել, արդեն զիջել ենք․ Տիգրան Աբրահամյան Եթե ինքն իր դեմ փողոց է փակելու, ուրեմն` որպես երկրի ղեկավար, չի վերահսկում իրավիճակը․ Քոչարյան «Ժողովուրդ». Ո՞վ է ընդդիմադիրների վրա հարձակվող Տիգրան Գալստյանը ՔՊ-ն միջազգային կառույցներին ասում է՝ արցախցիների իրավունքի մասին խոսքերը խոչընդոտ են խաղաղությանը. Տիգրան Աբրահամյան