Նախկինում Կիրանցում 38 հեկտար աշնանացան է արվել, այժմ՝ 7 հեկտար. Ոսկան Սարգսյան

«Այսօր՝ հունվարի 27-ին Իջևան համայնքի ավագանին 15 կողմ, 3 դեմ քվեներով որոշել է հավանություն տալ Տավուշի մարզի Տավուշ-2 միկրոռեգիոնալ մակարդակի համակցված տարածական պլանավորման փաստաթղթերում ներառված Իջևան համայնքի Կիրանց բնակավայրի գլխավոր հատակագծի (կենտրոնական մասի վերակառուցման, և նոր կառուցվող թաղամասի մանրամասն գոտևորման)մաստեր պլանի՝ հասարակական, բնակելի կառույցների էսքիզային առաջարկների ներառմամբ) նախագծման առաջադրանքին»,-այս մասին գրում է տավուշցի լրագրող Ոսկան Սարգսյանը։

Նա շարունակում է, որ Կիրանց գյուղից տեղեկացել է՝ պետության կողմից մինչև 21 միլիոն դրամ վարկային աջակցությամբ 15 առանձնատուն է կառուցվում, ևս 40-ը նախատեսվում է առաջիկայում կառուցել։

«2024թվականին սահմանազատման անվան տակ Կիրանցից հողերի հանձնումից հետո Կիրանցում դժվարացել է հողերի մշակությունը։ 2024 թվականին Կիրանցում հնձվել է 38 հեկտար աշնանացան, այժմ ընդհանուր առմամբ, տարբեր տեղերում ընդհանուր մոտ 7 հեկտար աշնանացան ցորեն ու գարի ցանվել։

Հարց է, թե սահմանագոտում ինչպես է կատարվելու հացահատիկի հունձը, ադրբեջանական զինուժը չի խանգարելո՞ւ դրան»,-գրել է նա։

Այս թեմայով Վստահաբար ասում եմ՝ Կիրանցը Հայաստանի ամենաանվտանգ գյուղերից է. Փաշինյանն այցելել է Կիրանց Կիրանցի վանքում վանդալիզմի դեպք է գրանցվել Ալեն Սիմոնյանը Կիրանց է այցելել Կիրանցում գարնանացան չի արվել․ Ոսկան Սարգսյան Ազգային անվտանգության մարմինների աշխատակիցները նշեցին իրենց մասնագիտական տոնը (լուսանկարներ, տեսանյութ)