«ՍԱ ԻՄ ԱՌԱՋԻՆ ՄԵՆԱՄԱՐՏՆ ԷՐ ՊՐՈՖԵՍԻՈՆԱԼ ՌԻՆԳՈՒՄ». ԲՌՆՑՔԱՄԱՐՏԻ ԵՎՐՈՊԱՅԻ ԳԱՎԱԹԱԿԻՐ, ԵՎՐՈՊԱՅԻ ՓՈԽՉԵՄՊԻՈՆ, ԱՇԽԱՐՀԻ ՄՐՑԱՆԱԿԱԿԻՐ, ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ՆԱՐԵԿ ՄԱՆԱՍՅԱՆ

Հունվարի 17-ին, Երևանի «Կարեն Դեմիրճյանի» անվան մարզահամերգային համալիրում կայացել է «IBA -ի չեմպիոնների գիշեր» պրոֆեսիոնալ բռնցքամարտի երեկոն։ Մեր երկրի ներկայացուցիչներից, Եվրոպայի գավաթակիր, Եվրոպայի փոխչեմպիոն, Աշխարհի մրցանակակիր, ծնունդով Աբովյան քաղաքից ՆԱՐԵԿ ՄԱՆԱՍՅԱՆԸ 6 ռաունդ տևած պայքարում գերազանցել է նիգերացի Օսթին Նամդիին։

Iravunk. com -ի մարզական թղթակիցը հանդիպել է ու զրուցել ՆԱՐԵԿԻ հետ։

- Շնորհավորում ենք, Նարեկ, պրոֆեսիոնալ ռինգում նորամուտի, փայլուն հաղթանակի, ինչպես նաև վերջերս Աբովյանում նոր մարզադպրոց բացելու կապակցությամբ։

- Շատ շնորհակալ եմ։ Հանդես եկա 92 կգ քաշային կարգում։ Մրցակիցս արժանի հակառակորդ էր, շատ փորձառու էր, որովհետև մենամարտի ժամանակ զգում էի նրա ուժգին հարվածները։ Ասեմ, որ սա իմ առաջին 6 ռաունդանոց մենամարտն էր, պրոֆեսիոնալ ռինգում առաջին անգամ էի հանդես գալիս, ստացվեց, մրցակիցս ավելի շատ ռաունդանոց մենամարտեր է անցկացրել։ Ես շնորհակալ եմ իմ հայ ազգից, երկրպագուներից, որ այսպիսի դրական էներգիա են փոխանցում հենց տրիբունայից, ինձ շատ մեծ ուժ էին տալիս, որ մենամարտը ավելի լավ անցկացնեմ։ Հաղթանակս նվիրում եմ իմ հայ ազգին, մեր բոլոր զինվորներին։ Նշեմ, որ տարեվերջին, դեկտեմբերի 1-ին, իմ ծննդավայր Աբովյան քաղաքում, իմ լավ ընկեր, բռնցքամարտիկ Ջանիկ Սահակյանի հետ միասին բացեցինք նոր  մարզադպրոց։ Ես ու Ջանիկն ենք մարզիչները, տարբեր տարիքային խմբերի հետ ենք անցկացնում պարապմունքները, սաներ ունենք նաև Ակունք գյուղում։ Մեր հիմնական նպատակն է ֆիզիկապես առողջ սերունդ ունենալը, կտրվեն հեռախոսային վնսակար խաղերից ու զբաղվեն սպորտով։

Իսկ ահա Նարեկի անձնական մարզիչը ԱՐՇԱԼՈՒՅՍ ԳՐԻԳՈՐՅԱՆԸ, մեզ հետ հանդիպման ժամանակ այսպես բնութագրեց իր սանին. - «Նարեկը շատ աշխատասեր, նպատակասլաց մարզիկ է, ես շատ գոհ եմ նրանից։ Շատ ուրախ եմ, որ առաջին անգամ հանդես գալով պրոֆեսիոնալ ռինգում նա գեղեցիկ հաղթանակ տոնեց ։Հաղթանակը տքնաջան պարապմունքների արդյունքն է»։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ