«Ժողովուրդ». 44-օրյա պատերազմում անհետ կորածների ծնողները խորհրդարանական լսումների կմասնակցեն

«Ժողովուրդ» օրաթերթը գրում է. «Խորհրդարանում 44-օրյա պատերազմում անհետ կորած զինվորների ծնողների մասնակցությամբ լսումներ կլինեն:

Հիշեցնենք, որ հունվարի 10-ին անհետ կորած զինվորների ծնողները գնացել էին ԱԺ պաշտպանության հարցերի մշտական հանձնաժողովի նախագահ Անդրանիկ Քոչարյանի հետ հանդիպման. վերջինս նախ գոռգոռացել էր ծնողների վրա, հետո, ստանալով համարժեք պատասխան, խաղաղվել էր:

Անդրանիկ Քոչարյանն էլ ծնողների զայրույթը պարպելու համար խոստացել էր այդ հարցով ԱԺ-ում լսումներ կազմակերպել:

«Ժողովուրդ» օրաթերթի տեղեկություններով՝ լսումները, հնարավոր է, տեղի ունենան հաջորդ շաբաթ:

ԱԺ լսումներին հրավիրվելու են նաեւ տարբեր գերատեսչությունների ղեկավարները՝ ԱԳ նախարար, ՊՆ նախարար, ԱԱԾ տնօրեն, գլխավոր դատախազ եւ այլ բարձրաստիճան պաշտոնյաներ: Թե ինչ արդյունք կտան լսումները, բարդ է ասել. համենայնդեպս, նախորդ նմանատիպ լսումներից հետո ուժային կառույցները «հրաժեշտի ՍՄՍ» ստացան:»:

Այս թեմայով Իրանի հետ պատերազմում ԱՄՆ-ի կորուստները հասել են «պատմականորեն աննախադեպ մակարդակի» 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Պենտագոնը բացահայտել է Իրանի դեմ պատերազմում ԱՄՆ կորուստների մասշտաբները Որպես անհետ կորած որոնվող կնոջ դին հայտնաբերվել է Արևիկ գյուղի լճերում ՇՏԱՊ. Որպես անհետ կորած որոնվում է 2011թ. ծնված Անի Գևորգյանը