«ՊՐՈՖԵՍԻՈՆԱԼ ՌԻՆԳՈՒՄ ԼԱՎ Է ՍՏԱՑՎՈՒՄ ԻՆՁ ՄՈՏ». ԲՌՆՑՔԱՄԱՐՏԻ ԵՎՐՈՊԱՅԻ ՄԻՆՉԵՎ 23 ՏԱՐԵԿԱՆՆԵՐԻ ՉԵՄՊԻՈՆ, ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ԱՐԹՈՒՐ ԲԱԶԵՅԱՆ

Հունվարի 17-ին, Երևանի «Կարեն Դեմիրճյանի» անվան մարզահամերգային համալիրում կայացել է «IBA -ի չեմպիոնների գիշեր» պրոֆեսիոնալ բռնցքամարտի երեկոն։ Հայաստանի 6 կաշվե ձեռնոցի մարտիկներից 4-ը հաղթանակներ են տոնել։ Այս մրցաշարում առաջին հաղթանակը գեղեցիկ ոճով տարել է Արթուր Բազեյանը, որը մեծ առավելությամբ ուժեղ է եղել ալբանացի Արդիթ Մուրջայից։

Iravunk. com -ի մարզական թղթակիցը կապ է հաստատել ու զրուցել այս մրցաշարի հաղթողներից, Եվրոպայի մինչև 23 տարեկանների չեմպիոն, մեծահասակների մրցանակակիր ԱՐԹՈՒՐ ԲԱԶԵՅԱՆԻ հետ, սա նրա երկրորդ փայլուն հաղթանակն էր պրոֆեսիոնալ ռինգում։

- Ողջույն, Արթուր ։Շնորհավորում ենք փայլուն հաղթանակի առթիվ։

- Շատ շնորհակալ եմ։ 60 կգ քաշային կարգում եմ հանդես եկել։ Ճիշտն ասած, ստացվեց այնպես, ինչպես որ պլանավորել էինք։ Մրցակիցս բավականին ուժեղ էր։ 16 մենամարտ է անցկացրել, որից 15-ում հաղթել էր։ Անցած անգամ հոկտեմբերին կրկին այս մրցաշարում հաղթել էի ալբանացի մրցակցիս։ Վստահ եմ, որ պրոֆեսիոնալ ռինգում լավ է ստացվում ինձ մոտ, կձգտեմ ավելի մեծ հաղթանակներ տոնել։

- Արթուր, կա որևէ հայտնի բռնցքամարտիկ, որ հավանում ես նրա մարտաոճը։

- Աշխարհի չեմպիոն Ջերվոնդա Դերվիսն է։

- Շնորհակալություն, Արթուր, մեզ ժամանակ տրամադրելու համար։

- Ես էլ շատ զգացված եմ ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ