Այդ փաստաթուղթը վտանգավոր է եւ կարող է ունենալ սարսափելի հետեւանքներ. Մինասյան

Ըստ ԱԺ «Հայաստան» խմբակցության քարտուղար ԱՐԾՎԻԿ ՄԻՆԱՍՅԱՆԻ` Հայաստանի՝ Եվրամիությանն անդամակցելու գործընթացը մեկնարկող օրենքի նախագիծը եւ դրա հետ կապված քննարկումները արկածախնդրություն են եւ կեղծ օրակարգ։ Նրա խոսքով՝ իշխանություններն արհեստական ​​օրակարգ առաջ տանելու փոխարեն՝ պետք է իրականացնեն այն նախագծերն ու նախաձեռնությունները, որոնք ամրագրված են 2017թ. ստորագրված Հայաստանի եւ ԵՄ-ի միջեւ ընդլայնված եւ համապարփակ գործընկերության համաձայնագրով։ Այս փաստաթղթի իրականացումը նախատեսում է լայնածավալ աշխատանք, ինչպես նաեւ բարեփոխումներ բոլոր ոլորտներում։ Ավելին, փաստաթուղթը Հայաստանը չի դնում աշխարհաքաղաքական ընտրության առջեւ:

— Սակայն դրա փոխարեն իշխանությունները մտցրել են թեմա, որը ներկա աշխարհաքաղաքական գործընթացների համատեքստում չափազանց վտանգավոր է եւ կարող է ունենալ սարսափելի հետեւանքներ։ Դա կարող է պառակտում առաջացնել հայ հասարակության մեջ, բացել լարվածության եւ առճակատման նոր օջախներ: Սա ոչ այլ ինչ է, եթե ոչ իրավական անհեթեթություն: Չէ՞ որ խորհրդարանի օրակարգում ընդգրկված փաստաթուղթն ամեն ինչ է, բայց ոչ օրենք: Այս ձեւով փաստաթուղթը չի համապատասխանում օրենքով սահմանված որեւէ չափանիշի։ Սա լավագույն դեպքում հայտարարություն է:

Այս թեմայով Ինչո՞ւ Ռոբերտ Քոչարյանը չհաղթեց 2021-ին և չի հաղթելու 2026-ին. Միքայել Մինասյան Գալիս են իշխանության, որ ի՞նչ անեն Եվրոպական դեսանտն ու հայաստանյան ապագան. Հայկ Բաբուխանյան «Ամո'թ, ամո'թ». ԵՄ գագաթնաժողովի հայ մասնակիցները չմոտեցան ՄՀՀ-ի դիմաց ակցիա իրականացնողներին Իլհամ Ալիևը ԵՄ գագաթաժողովին միացել է օնլայն