Յուրաքանչյուր ապացույց հետազոտելիս ի հայտ են գալիս նորանոր «անհայտներ». Ինչ է պարզվել 15 զինվորի ողջ-ողջ այրվելու փաստից 3 տարի անց

Ազատի զինվորական կացարանում 15 զինվորի ողջ-ողջ այրվելուց  անցել է 3 տարի,
բայց տուժողների հարազատները ունեն բազում չպարզաբանված
հարցեր, ի վերջո՞, ի՞նչն էր 15 զինծառայողի ողջ-ողջ այրվելու իրական
պատճառը եւ ո՞վ էր դրա մեղավորն ու պատասխանատուն հարցի պատասխանը փորձել ենք ստանալ  15 զինծառայողի մահվան գործով ամբաստանյալ, N զորամասի հրամանատարի թիկունքի գծով տեղակալ Գոռ Աղեկյանի փաստաբան Գուրգեն Ներսիսյանից, ով նկատեց.

-Հունվարի 19-ին լրացավ այդ ահասարսուռ դեպքի երրորդ տարին, որի կապակցությամբ առիթն օգտագործելով իմ վշտակցությունն եմ հատնում բոլոր զոհված զինծառայողների ծնողներին ու հարազատներին:  Այս դեպքը ցնցող էր եւ իր բնույթով, եւ հետեւանքների
առումով, եւ հանգամանքների բացահայտվածության աստիճանով: Բայց այս գործով կամ մի կարեւոր հանգամանք, քրեական գործը ներկա պահին գտնվում է դատական քննության փուլում ու թեեւ դեպքի շուրջ քննարկումներն ու տարաբնույթ վարկածների մասին հայտարարությունները չեն դադարում, այդուհանդերձ այս պահին դատարանում քննության է առնվում այն վարկածը, որն առաջ է քաշում մեղադրանքի կողմը: Գործի դատական քննությունը նախաքննությունից տարբերվում է նրանով, որ այն ոչ թե ուղղված է դեպքի հանգամանքները պարզելուն, այլ մեղադրանքի կողմի ներկայացրած մեղադրանքների հիմնավորվածությունն ու ապացուցվածությունը ստուգելուն: Բայց այս
գործը բացառիկ է նաեւ նրանով, որ դատարանում գրեթե յուրաքանչյուր ապացույց հետազոտելիս ի հայտ են գալիս այնպիսի «անհայտներ» ու անպատասխան հարցեր, որոնք պարզաբանված չլինելու պարագայում առաջ գնալը ուղղակի դառնում է անհնարին: Ամեն դեպքում էլի պետք է կրկնեմ, որ անկախ ամեն ինչից, դատարանում քննվում է մեղադրանքի կողմի վարկածը, համաձայն որի վառարանը վառելու ընթացքում հրդեհ է բռնկվել կացարանում, կրակը արագ տարածվել է՝ զրկելով զինծառայողներին փրկվելու հնարավորությունից:
Այն, որ այս գործով իրականացվել է մեղմ ասած՝ ոչ բավարար նախաքննություն, անհերքելի է: Նախաքննության առաջնային նպատակը ոչ թե մեղավորներ փնտրելն է, այլ դեպքի հանգամանքները լիարժեք վեր հանելը. մեղավորների որոնումը գործընթաց է, որը սկսում է հանգամանքները լուսաբանվելուց հետո, մինչդեռ այս գործով անգամ
ամենախոշոր հակասություններն ու անտրամաբանական իրավիճակները բավարար չափով չեն հետազոտվել: Դա է պատճառը, որ գործի դատաքննությունը վեր է ածվել «նախաքննության», իսկ այսպիսի դեպքերում, փորձառու մասնագետները կհաստատեն, իրավիճակը միշտ ավելի է բարդանում եւ «անհայտները» ոչ թե սկսում են բացահայտվել, այլ բազմապատկվում են: Այդ գործով հենց այդ վիճակն է: Դա է նաեւ զոհված զինծառայողների ծնողների չդադարող վրդովմունքի պատճառը, որովհետեւ նրանք դատարանում անձամբ են ականատես լինում այն խառնաշփոթին, որի անունը «քրեական գործ» է:

Այս թեմայով Շու’տ ապաքինվիր և շարունակի’ր քո հայրենանվեր գործը. Տեր Վրթանեսի կինը գրառում է արել ու լուսանկարներ հրապարակել Պարույր Հայրիկյան, դու անպարտ ես. Աղմկահարույց գործերով հայտնի փաստաբանը հայտարարությամբ է հանդես եկել Գլխացավն ու գլխապույտը կուղեկցեն մարդկանց մինչև Նոր տարի․ Երկրի վրա կրկին մագնիսական փոթորիկ է սպասվում ՇՏԱՊ. «ԴՕԿ» կուսակցության շտաբի պետ, հայտնի փաստաբան Լեվոն Բաղդասարյանը բացառիկ հայտարարությամբ է հանդես եկել Երկրորդ շանս բնությունը չի սիրում. Բռնի տեղահանումից երկու տարի անց վերքերը արյունահոսում են նույն ուժգնությամբ