«Հրադադարը» հանելուկ է ՔՊ-ականների համար

Քաղաքական կուլիսներում շրջանառվող ակտիվ խոսակցությունների համաձայն` ՔՊ-ականներին Նիկոլ Փաշինյանի կողմից հանձնարարված է պատգամավոր Աղազարյան Հովիկի հետ կապված ոչ մի «քոմենթ» չանել՝ ո՛չ լավ, ո՛չ վատ։ Ասում են՝ այդ հանձնարարականը զարմացրել է ՔՊ-ականներին, որոնց Աղազարյանի անհնազանդության թեժ օրերին անձամբ «շեֆն» էր հանձնարարում պախարակել, ով ինչպես կարող է։ Թե ինչ է փոխել, կամ ինչով է պայմանավորված այս «հրադադարը», հանելուկ է անգամ մի շարք ՔՊ-ականների համար։

Այդուհանդերձ, կա վարկած, որ Հովիկ Աղազարյանի հետ կապված` Նիկոլ Փաշինյանը դեռ պլաններ ունի: Մասնավորապես՝ աճեցնել նրա կողմից ձեւավորվող քաղաքական ուժը, իբրեւ այլընտրանք կամ իր անվտանգության բարձիկ: Անխոս, այս վարկածը գոյության իրավունք ունի: Չէ որ, դժվար թե, պատահականություն լիներ Նիկոլ Փաշինյանին ամենանվիրված Հովիկ Աղազարյանին հանկարծ դարձնելը այնպիսի «դուխով», ով կարողացավ դուրս գալ իշխանության դեմ, հալածվեց, բայց մնաց ոչ միայն ազատության մեջ, այլեւ պահպանեց մանդատը:

Բանն այն է, որ Նիկոլ Փաշինյանը խնդիր ունի սեփական թիմում քիչ թե շատ մաքուր կերպարներ գտնել, որոնք կներկայանան, որպես 2018-ի իրենց իսկ մոգոնած «հեղափոխության» արժեքների իրական կրող: Իսկ վաղը հարկ եղած դեպքում, նախ այնտեղ տեղավորել Նիկոլի վարած քաղաքականությունից «աբիժնիկ» ՔՊ-ականներին, այդ թվում՝ նախկին պաշտոնյաների: Իհարկե, հարց կարող է առաջանալ, թե արդյոք Հովիկ Աղազարյանն այն կերպարն է, ով կարող է հնարավոր արտահերթ կամ հերթական ընտրությունների մեջ մտնել ընտրապայքարի մեջ, որ մի հատ էլ անհրաժեշտ ձայներ փոշիացնի կամ կարողանա անցողիկ ձայներ քերել, հաջորդիվ էլ աջակցել Փաշինյանին, ում պլենտուսից ներքեւ գտնվող վարկանիշի մասին այլեւս հնարավոր չէ թաքցնել: Սակայն որեւէ մեկը չի բացառում, որ Հովիկ Աղազարյանի թիմում կարող են հայտնվել այլ ՔՊ-ական պատգամավորներ եւս (Անդրանիկ Քոչարյանի ականջն էլ կանչի): Եվ այստեղ խաղաքարտերը կարող են բացվել միայն այն ժամանակ, երբ պարզ դառնա, թե ում ֆինանսավորմամբ է Հովիկ Աղազարյանը կուսակցություն բացում: Գուցե հենց Նիկոլ Փաշինյանի՞, թե՞ Հովիկ Աղազարյանի ռուսաստանյան ընկերոջ, որը թեպետ չեկավ նրան խորհուրդ տալու, բայց կարող էր օգնել ֆինանսապես: Այնպես որ, վաղ է հավատալ Հովիկ Աղազարյանի արցունքներին եւ ընդդիմադիր կեցվածքին:

ՀՐԱՆՏ ՍԱՐԱՖՅԱՆ

Այս թեմայով Բարեկամ հայ ժողովրդին մաղթում եմ բարեկեցություն և բարգավաճում․ Պուտինը ուղերձ է հղել Փաշինյանին Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Փաշինյանը նպատակ ունի կտրել թաղման նպաստները Ռուսաստանի հետ մեր հարաբերությունները անխուսափելիորեն փոխվելու են․ Փաշինյան