ԱՅՍՕՐ ՀՈՒՆԱՀՌՈՄԵԱԿԱՆ ՈՃԻ ԱՆՎԱՆԻ ԸՄԲՇԱՄԱՐՏԻԿ, ՕԼԻՄՊԻԱԿԱՆ ԽԱՂԵՐԻ ԲՐՈՆԶԵ ՄԵԴԱԼԱԿԻՐ ՄԱԼԽԱՍ ԱՄՈՅԱՆԻ ԾՆՆԴՅԱՆ ՕՐՆ Է

Այսօր, հունվարի 22-ը, հունահռոմեական ոճի անվանի ըմբշամարտիկ, Փարիզի Օլիմպիական խաղերի բրոնզե մեդալակիր, Աշխարհի ու Եվրոպայի բազմակի չեմպիոն, մրցանակակիր ՄԱԼԽԱՍ ԱՄՈՅԱՆԻ ծննդյան օրն է, 26-ամյակն է նշում։ Նա այժմ գտնվում է Ծաղկաձորում, ուսումնամարզական հավաքների է մասնակցում։ Մեր հավաքականը Արմեն Բաբալարյանի գլխավորությամբ պատրաստվում է առաջիկայում կայանալիք Եվրոպայի առաջնությանը։ Մեր ըմբիշները արդեն հասցրել են բարձրանալ Թեղենիսի գագաթը։ Ծաղկաձորում հավաքները սկսել են հունվարի 15֊ից, կավարտեն հունվարի 29֊ին ու կգնան պարապելու Օլիմպավանում ։ Մեր հավաքականի հետ միասին պարապմունքներ են անցկացնում նաև Լեհաստանի, Չեխիայի թիմերը և մեկ ըմբիշ Էստոնիայից։ Մեր երկրից մասնակցում են շուրջ 70 ըմբիշներ մեծահասակներ և երիտասարդներ։ Մալխաս Ամոյանը, Փարիզի ՕԽ֊ից հետո, առաջին անգամ պիտի մասնակցի միջազգային մրցաշարի։

Iravunk. com -ի մարզական թղթակիցը կապ է հաստատել այժմ Ծաղկաձորում գտնվող մեր անվանի ըմբիշի, օրվա հոբելյարի ՄԱԼԽԱՍ ԱՄՈՅԱՆԻ հետ ու զրուցել։

- Շնորհավորում ենք, Մալխաս ծննդյան տարեդարձի առթիվ, մաղթում բազում հաղթանակներ, ամենայն բարիք ։

-Շատ շնորհակալ եմ ։Պատրաստվում ենք Եվրոպայի առաջնությանը։ Նշեմ, որ պատասխանատվություն միշտ կա, բայց միշտ աշխատում եմ պատասխանատվություն շատ չվերցնել ինձ վրա։ Աշխատում եմ անել այնպես, ինչի վրա, որ աշխատում եմ, կարողանամ ըստ դրա մոտենալ առաջնությանը, որ կարողանամ լավ հանդես գալ, եթե շատ պարտավորվածություն վերցնեմ, կարող է ինձ այդ ամենը խանգարել, դրա համար փորձում եմ կենտրոնանալ միայն մարզումներիս վրա։

- Շնորհակալություն, Մալխաս, մեզ ժամանակ տրամադրելու համար։

- Ես էլ շատ զգացված եմ, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շնորհակալ եմ հայ և եզդի ժողովրդին՝ իմ կողքին լինելու համար. Մալխաս Ամոյան Մալխաս Ամոյանը` Եվրոպայի հնգակի չեմպիոն(տեսանյութ) Ըմբշամարտի ԵԱ․ Մալխաս Ամոյանի հաղթական մեկնարկն ու հայ մյուս ըմբիշների արդյունքները Մալխաս Ամոյանը՝ 2025-ի Եվրոպայի հունահռոմեական ոճի լավագույն ըմբիշ «Ոսկե արդյունք». Ըմբշամարտի համաշխարհային ֆեդերացիան` Մալխաս Ամոյանի չեմպիոնության մասին