ԱՄՆ 22 նահանգ հայտ է ներկայացրել Թրամփի դեմ

Եվս չորս նահանգի իշխանություններ հայտարարել են, որ դատարանում վիճարկելու են ԱՄՆ նախագահ Դոնալդ Թրամփի հրամանը, որով սահմանափակվում է ի ծնե իրավունքով ԱՄՆ քաղաքացիություն շնորհելը։ Նոր վարչակազմի որոշմանը դեմ հանդես եկող պետությունների ընդհանուր թիվը հասել է 22-ի, գրում է ՏԱՍՍ-ը։

Ինչպես ասվում է Վաշինգտոն նահանգի գլխավոր դատախազի կայքում հրապարակված հայտարարության մեջ, հայցում ասվում է, որ «Նախագահը չունի Սահմանադրությունը շրջանցելու իրավասություն, և Սահմանադրությունում կամ օրենքում ոչինչ նրան իրավունք չի տալիս որոշել, թե ում պետք է կամ ոչ ԱՄՆ քաղաքացիություն շնորհվի ի ծնե իրավունք։ Եթե այս հակասահմանադրական և հակաամերիկյան կարգը մնա, հազարավոր նորածինների և երեխաների կզրկի ամերիկյան հասարակությանը որպես քաղաքացիներ լիարժեք և արդար մասնակցելու հնարավորությունից՝ չնայած սահմանադրական երաշխիքներին», - ասվում է հայտարարության մեջ:

Ավելի վաղ Նյու Ջերսիի գլխավոր դատախազությունը հայտնել էր, որ ԱՄՆ 18 նահանգների և Կոլումբիայի շրջանի իշխանությունները բողոքարկելու են Թրամփի հրամանը Մասաչուսեթսի դատարանում։ Դրանց հետո Վաշինգտոն, Օրեգոն, Արիզոնա և Իլինոյս նահանգների իշխանությունները առանձին հայց են ներկայացրել՝ վիճարկելով Թրամփի ստորագրած փաստաթուղթը։ Գործը քննվելու է Վաշինգտոն նահանգի շրջանային դատարանում։

Այս թեմայով Համաշխարհային տնտեսությունն ավելի է զգուշանում ԱՄՆ-ից Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ