Այս իշխանությունը նմանվում է ռումբը ձեռքին խաղացող չուկչայի. Գեղամ Մանուկյան

Կառավարության հավանությանն արժանացած Եվրամիությանը Հայաստանի անդամակցության գործընթացի մեկնարկի մասին օրենքի նախագծի վերաբերյալ «Իրավունք»-ը զրուցել է ԱԺ «Հայաստան» խմբակցության պատգամավոր ԳԵՂԱՄ ՄԱՆՈՒԿՅԱՆԻ հետ:

— Ըստ Նիկոլ Փաշինյանի` Եվրամիությանն անդամակցելու համար պետք է հանրաքվե անցկացնել: Ի՞նչ կասեք այս մասին, ո՞րն է Ձեր խմբակցության դիրքորոշումը:

— Կարծում եմ՝ իրենք կյանքում ոչ մի բան չեն պատկերացնում: Նույն այդ Եվրամիությանն անդամակցելու հարցում փորձեք նայել Նիկոլ Փաշինյանի վերջին ամիսների ընթացքում կատարած հայտարարությունները, որոնք մեկը մյուսին հակասող են, մեկը մյուսի հետ որեւէ առնչություն չունեն: Շատերը կհիշեն, որ ընդամենը մի քանի ամիս առաջ Փաշինյանն ասում էր, թե՝ բերե՛ք նախաձեռնությունը, ԱԺ-ն մերժի, որից հետո 300 հազար ստորագրություն հավաքեք, նոր դրանից հետո հանրաքվե թող լինի, էլ չգիտեմ, թե ինչ լոլոներ էր կարդում։ Հիմա, փաստորեն, ի՞նչ փոխվեց, որ կառավարության նիստում «այո» ասացին եւ հիմա էլ բերում են Ազգային ժողով: Այս հարցում մենք հստակ մեր դիրքորոշումները ներկայացնելու ենք, ինչպես ներկայացրել ենք 2024 թվականի հունիսին «Հայաստան» խմբակցության մեր հայտարարության մեջ՝ կետ առ կետ նշելով բոլոր ե՛ւ վտանգները, ե՛ւ սխալները, ե՛ւ սխալ մոտեցումները։

— Կարելի է ասել, որ այս ամենի էությունը ոչ այնքան ԵՄ անդամակցության մեկնարկը տալն է, այլ ցույց տալը ՌԴ-ից հեռանալու իշխանության պատրաստակամությունն ու Արեւմուտքին նվիրվածությունը:

— Ցավոք սրտի, ես ինքս միշտ այն օրինակն եմ բերում, որ չուկչան ռումբը ձեռքին խաղում է, եւ ասում են՝ չուկչա՛, կպայթի։ Ասում է՝ չուկչան հիմար չի, էլի ունի ձեռքում ռումբ։ Այս իշխանությունը նմանվում է այդ չուկչային, որը սպառնում է մեր երկրի անվտանգությանը, սահմանների անձեռնմխելիությանը, տարածքային ամբողջականությանը, մեր ժողովրդի` ընդհանրապես ապագայում պետականության գոյությանը։

ԴԻԱՆԱ ՄԱՆՈՒԿՅԱՆ

Այս թեմայով Մեզ մենակ սա էր «պակասում»․ ԶԱՐՄԱՆՔ Հայտնի իրավապաշտպանը հրատապ հայտարարությամբ է հանդես եկել Իսլամիստները փորձում էին պետական ​​հեղաշրջում իրականացնել Ղազախստանում Լեհաստանում իրավիճակը սկսել է պետական ​​հեղաշրջում հիշեցնել. ոստիկանությունը շրջափակել է ՍԴ-ն ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին