«Հրապարակ». Կապանում պատրաստվում են ընտրությունների

«Հրապարակ» թերթը գրում է. «Փետրվարի 17-ին տեղի կունենա ՔՊ-ի Կապանի տարածքային խորհրդի ընտրությունը, որին, ըստ մեր տեղեկությունների, որոշել է անձամբ մասնակցել Փաշինյանը։

Հիշեցնենք, որ իշխող ուժը Կապանում տարածքային խորհուրդ չունի անցած տարվա հունիսից, երբ Փաշինյանն իր՝ Սյունիք կատարած այցի ժամանակ պարզեց, որ տեղի ՔՊ-ականներն իրար միս են ուտում, կառույցում բարդակ է, եւ հրահանգեց լուծարել ու նոր կառույց ձեւավորել։ Բացի այդ՝ ներկուսակցական ընտրություններն անցել էին խախտումներով, որոշ ՔՊ-ականներ յուրայիններին էին դարձրել ընտրիչներ, որ մտնեն տարածքային խորհուրդ։

Մեզ ասացին, որ երեկվանից տեղի լրատվամիջոցներից մեկը նույնպես հարցում է սկսել՝ 1-5 բալանոց համակարգով առաջարկելով գնահատել ՔՊ-ականներին։ Հավանաբար, Փաշինյանի հարցման արդյունքներին չեն վստահում։

Կապանում կարծում են, որ նոր հարցման պատվիրատուն պատգամավոր Դավիթ Դանիելյանն է, որի անունն ամենաշատն է տեղ գտել սոցհարթակների մեկնաբանությունների բաժնում, որոշ օգտատերեր նույնիսկ բարձրաձայնում են, որ Դանիելյանն է, հավանաբար, ուղղորդում հարցումը։ Խորհրդի կազմում 7 կուսակցական է ընդգրկվելու»:

Այս թեմայով Ինչու է ՔՊ-ն դանդաղում իր որոշումների մեջ.ո՞վ կասի.... Մենք չենք կարող գեղեցկացնել ընտրությունների արդյունքները, դրանք աղետ են. Մերց Արթիկում՝ 4 քաղաքական ուժ, Ախուրյանում՝ 1․ ավարտվել են ՏԻՄ ընտրությունների առաջադրումները Կոպիրկինը շնորհակալություն է հայտնել ՀՀ-ին՝ Պետդումայի ընտրությունների ընթացքում անվտանգությունն ապահովելու համար Փաշինյանը նպատակ ունի կտրել թաղման նպաստները