Պատրաստված զինվորականի դերը կարևոր է բանակի պաշտպանունակության ամրապնդման համար․ գնդապետ Մանգասարյան

Զինվորական ծառայության գրավչության բարձրացմանն ու աշակերտների մասնագիտական կողմնորոշմանն ուղղված միջոցառումների շրջանակում հունվարի 16-ին ՀՀ ՊՆ Վազգեն Սարգսյանի անվան ռազմական ակադեմիան հյուրընկալել է մայրաքաղաքի մի շարք ավագ դպրոցների տնօրենների։

Ռազմական ակադեմիայի պետ, գնդապետ Արսեն Մանգասարյանը, ընդգծելով բանիմաց, հոգեբանորեն, ֆիզիկապես ու մասնագիտական ունակություններով պատրաստված զինվորականների դերը մեր երկրի անվտանգության ապահովման ու բանակի պաշտպանունակության ամրապնդման գործում, չափազանց կարևորել է նմանօրինակ հանդիպումների շարունակականությունը՝ դպրոցականներին մասնագիտության ընտրության հարցում ճիշտ ուղղորդելու համար։

Գնդապետ Մանգասարյանը ներկայացրել է ռազմական ակադեմիայի կառուցվածքը, ընդունելության կարգը, ակադեմիայում ուսանելու առավելությունները, ուսումնամեթոդական լայն ու նորարարական մոտեցումները,
կառավարության կողմից տրամադրվող բազմաթիվ արտոնություններն ու սոցիալական երաշխիքները և ընթացիկ այն բարեփոխումները, որոնք միտված են ռազմական կրթությունն ավելի գրավիչ ու մրցունակ դարձնելուն։

Հյուրերը նաև շրջել են ռազմական կրթօջախի տարածքում, տեղում ծանոթացել կուրսանտների ուսումնական հագեցած առօրյային, մասնագիտական տարբեր ամբիոնների գործունեության առանձնահատկություններին, լսարանային ու կեցության պայմաններին, ակադեմիայի ուսումնատեխնիկական ժամանակակից հնարավորություններին:

Այս թեմայով Մի քաջալերեք շատախոսությունը. Հայտնի փաստաբանի հայտարարությունը Աստղագուշակ՝ ապրիլի 21-ի համար Զատկի հրադադարը խորը մտախված ռուս-ամերիկյան ծուղակ էր Լոնդոնի համար. Ուկրաինական աղբյուր Ընտրեք ձուն և իմացեք, թե ճակատագիրը ինչ նվեր է պատրաստել ձեզ համար Աստղագուշակ ապրիլի 19-ի համար․ Կարիճներին՝ ուժեղ ինտուիցիա, Այծեղջյուրներին՝ պարտավորություններ