Այս տարի ՀՀ դեսպանություն կբացվի Հունգարիայում և Հունգարիայի դեսպանություն՝ ՀՀ-ում. ԱԳ փոխնախարար

Որոշում է ընդունվել այս տարի բացել թե՛ Հայաստանի դեսպանությունը Հունգարիայում, թե՛ Հունգարիայի դեսպանությունը Հայաստանում: Այս մասին այսօր՝ հունվարի 16-ին, Միջազգային և անվտանգության հարցերի հայկական ինստիտուտի կողմից կազմակերպված «Հայաստան-ԵՄ ռազմավարական գործընկերության խթանումը Վիշեգրադյան քառյակի փորձի հիման վրա» խորագրով եզրափակիչ համաժողովի ժամանակ նշեց ԱԳ փոխնախարար Պարույր Հովհաննիսյանը:

«Կարծում ենք այնտեղ էլ մեծ ներուժ կա և ԵՄ խորհրդում Հունգարիայի նախագահությունը ապացույց էր մեր մեր համագործակցության։ Էլ ավելի սիմվոլիկ է լեհական նախագահության ժամանակաշրջանում ԵՄ խորհրդի այս համաժողովը կազմակերպելու և Վիշեգրադյան հիմնադրամի այցը իրականացնելու առումով:

Գրեթե վերջնականացնում ենք բանակցությունները ԵՄ-ի հետ մեր առաջնորդությունների նոր օրակարգի շուրջ և շուտով կկազմակերպենք մոտ շաբաթների ընթացքում համապատասխան հանդիպում քաղհասարակության հետ՝ ներկայացնելու այդ արդյունքները։

Դրա հետ մեկտեղ արդեն իսկ կապեր են հաստատվել ԵՄ նոր ղեկավար կազմի հետ: Վերջերս տեղի ունեցավ հեռահաղորդազրույց ԵՄ խորհրդի նախագահ Կոշտայի հետ և վարչապետ Փաշինյանի, որտեղ քննարկվեցին համապատասխան համագործակցության հարցեր»,-ասաց նա:

Այս թեմայով Երկիրը գտնվում է այլմոլորակային հետախուզության հսկողության տակ. ԱՄՆ փոխծովակալ, առևտրի նախկին փոխնախարար Փողով ազատվողների թիվը մենակ կավելանա, ձեռնպահ մնացեք․ փոխնախարարը՝ ՔՊ-ականի նախագծի մասին Իրանում պատերազմ է, Պապիկյանը, կարկանդ ուտելով, ՔՊ-ի հետ շրջում է, ինչո՞ւ. հարց՝ ՊՆ փոխնախարարին Խաղողի այգիները համատարած քանդվում են. Գյուղատնտես «Իրավունք». ԱԳ փոխնախարար Մնացական Սաֆարյանի դեմարշը Նիկոլին