Միասնական տոմսային համակարգով կարելի է վճարել 4 եղանակով. Որոնք են դրանք

Երևանի քաղաքապետարանի այսօրվա՝ հունվարի 13-ի գործակարգավարական հերթական խորհրդակցության ժամանակ անդրադարձ է եղել միասնական տոմսային համակարգի վճարման եղանակին։

Նշվել է, որ կարելի է վճարել 4 եղանակով՝ տրանսպորտային քարտով, QR կոդով, բջջային հավելվածի միջոցով և բանկային քարտով։

Նշվել է արտոնյալ խմբի քաղաքացիները կարող են մոտենալ կամ թաղապետարաններ կամ TellCell ընկերության գրասենյակներ՝ անցնելու նույնականացում. «Վարչական շրջաններում քաղաքացիների էական հոսք ունենք, որ մոտենում են իրենց արտոնյալ կարգավիճակը ձևակերպելու համար: Նույն գործընթացը կատարվում է նաև TellCell-ի գրասենյակներում և կայքի միջոցով»,- ասել է փոխքաղաքապետ Սուրեն Գրիգորյանը:

Իսկ եթե անձը արտոնյալ կարգավիճակ չունի, տրանսպորտային քարտ ձեռք բերել հնարավոր է մետրոպոլիտենի 10 կայարանների ինքնասպասարկման տերմինալներից, որոնք տեղադրված են դրամարկղերին կից, իսկ վաղվանից մետրոպոլիտենի դրամարկղերից հնարավոր է այդ քարտերը ձեռք բերել աշխատակցի օգնությամբ՝ ժամը 11:00-ից մինչև 16:00-ն և 20:00-ից մինչև 23:00 ընկած ժամանակահատվածում։ Ձեռք բերված քարտերը կարելի է ակտիվացնել https://transport.yerevan.am կայքում։

Բացի այդ, տրանսպորտային քարտեր հնարավոր է ձեռք բերել Հանրապետության և Ֆրանսիայի հրապարակներում գործող քաղաքապետարանի տեղեկատվական աջակցման կենտրոններում։ Քարտերը հնարավոր է ձեռք բերել և ինքնասպասարկման տերմինալից, և աշխատակցի օգնությամբ։

Նաև նշվել է, որ հայաստանանյան բանկային քարտերը հնարավոր է նաև որպես տրանսպորտային քարտ օգտագործել, եթե սպասարկում է NFC համակարգով, իսկ American expresss և МИР քարտերը չեն սպասարկվում։

Նաև՝ հնարավոր է տրանսպորտային քարտին այլընտրանք լինի նաև TellCell Wallet համակարգը։

Այս թեմայով Երևանում վաղվանից հին տրոլեյբուսներ չեն լինի. քաղաքապետարան Թիվ 8 երթուղու վարորդին դանակահարած ուղևորը եղել է ոչ սթափ վիճակում Հերի՛ք եղավ, բո՛լ եղավ. երբ չեն վճարում, տրանսպորտը կանգնեցրեք, պահանջեք՝ կա՛մ իջնի, կա՛մ վճարի «БОЙ БЕЗ ПРАВИЛ»՝ վարորդների եւ քաղաքացիների միջեւ Երևանում բացահայտվել է տրանսպորտի՝ երթուղուց շեղվելու 125 դեպք