Այսօր Շնորհակալության միջազգային օրն է

Հունվարի 11-ը օրացույցի ամենաքաղաքավարի և բարի օրն է. այսօր շնորհակալության միջազգային օրն է:
Հոգեբանները համարում են, որ շնորհակալական խոսքը կարող է շատ դրական ազդեցություն ունենալ թե՛ ասողի, թե՛ հասցեատիրոջ համար: «Շնորհակալություն հայտնելով՝ դու գնահատում ես դիմացինիդ վերաբերմունքը, և դա դրական նշանակություն ունի: Շնորհակալության անկեղծ խոսքը բարձրացնում է ասողի ինքնագնահատականը, օգնում է հաղթահարել սթրեսը, շնորհակալությունը օգտակար է նաև հասցեատիրոջ համար, որովհետև դու հայտնում ես քո երախտիքի խոսքը իր արածի, վերաբերմունքի համար, շնորհակալությունը սոցիալական փոխազդեցության ընդունված ձև է»,-նշում է հոգեբան Մանե Հակոբյանը:
Մենք` հայերս, վերջին տարիներն շնորհակալություն բառը փոխարինել ենք «մերսի»-ով, որը երևի ավելի հարմար է: Գրականագետ Լիլիթ Սեյրանյանի կարծիքով, հայերը «mersi» ֆրանսերեն բառն օգտագործում են հայերեն շնորհակալության փոխարեն, քանի որ «մերսին» ավելի հարմար է և կարճ: Նրա տեղեկացմամբ, հայերը այն սկսել են գործածել սկսած 19-րդ դարավերջից, երբ հայերի և ֆրանսիացիների շփումներն ավելի լայն բնույթ ստացան:
Չմոռանանք, որ հայ ենք, որ մեր շնորհակալությունը շատ ավելի գեղեցիկ է և հնչուն, և ամեն օր իրար շնորհակալություն հայտնելիս հիշենք, որ ճշմարիտ և անկեղծ երախտագիտության խոսքն այն է, որը բխում է սրտի խորքից: Շնորհակալություն նյութն ընթերցելու համար, -«Իրավունքի»-ի ընթերցող։ 

Այս թեմայով «Հրապարակ». Փաշինյանը որոշել է ամեն գնով լուծել եկեղեցու եւ Վեհափառի հարցերը Ում գրպանն է հոսում ոռոգման ջրի համար գանձվող տարեցտարի անգամներով բարձրացվող գումարները Կցանկանայի շնորհակալություն հայտնել Ձեզ Հայաստանի և Ադրբեջանի միջև խաղաղության գործընթացին Ձեր աջակցության համար.Փաշինյան Ռազմական դրության պայմաններում Ուկրաինայում սկսել են նախապատրաստվել հնարավոր նախագահական ընտրություններին Քաղաքացին իրավունք ունի տրանսպորտի ուղեվարձը վճարել ինչպես ընթացքի մեջ, այնպես էլ երթուղին ավարտելիս. Իրավագետը հանրային տրանսպորտում տուգանելու մասին