Արևմտյան Հայաստանն էլ Արմավիրի մարզի արևմտյան հատվածն է. Փաշինյանի սկանդալային հայտարարությունը

ՀՀ-ում չի եղել, չկա և չի կարող լինել «Արևմտյան Ադրբեջան», դա ուղիղ ագրեսիվ հռետորաբանություն է ինքնիշխան պետության նկատմամբ։ Այս մասին «Ընտանեկան փոդքասթ»-ի երկրորդ թողարկման ժամանակ հայտարարել է վարչապետ Նիկոլ Փաշինյանը՝ պատասխանելով Ադրբեջանի նախագահ Իլհամ Ալիևի հայտարարություններին։

Փաշինյանը նշում է, որ իրական Հայաստանի մասին խոսակցությունը ապալեգիտիմացնում է դիմացինի խոսակցությունն այն մասին, որ ՀՀ-ն ապրելու իրավունք չունի. «Ադրբեջանից հնչում են հայտարարություններ, որոնց նպատակն ինչն է, որ իրենք  ագրեսիվ տոնայնությամբ մեզ բան ասեն, մենք էլ իրենց ասենք, իրենք իրենց ագրեսիվ տոնայնությունը մեծացնեն, մեծացնեն, տարածաշրջանում ստեղծեն պայթյուն, բայց այստեղ կա իրավիճակը կառավարելու հայեցակարգային հիմքը և գործնականը»:

Նրա խոսքով՝ հայեցակարգային հիմքը իրական Հայաստանն է, երբ մենք մեր միջազգայնորեն ճանաչված տարածքով սահմաններով կառուցում ենք մեր անվտանգության հայեցակարգը։

«Սա մեր միջազգայնորեն ճանաչված տարածքն է, մենք սրանից դուրս չունենք նկրտումներ և հավակնություններ, ՀՀ տարածքում չի եղել, չկա և չի կարող լինել «Արևմտյան Ադրբեջան»՝ հենց այս հիմնավորմամբ, այս կոնցեպտի վրա մենք կառուցում ենք մեր անվտանգությունը, հետևաբար ոչ մեկը մեր պաշտպանվելու և պաշտպանունակ լինելու իրավունքը չի կարող վիճարկել, դա աբսուրդ և ոչ լեգիտիմ խոսույթ է: Մի ուրիշ նրբություն էլ եմ ուզում ասել, որը աղմուկ կառաջացնի, ասում ենք՝ Արևմտյան Ադրբեջանը Ղազախի, Աղստաֆայի, Թովուզի, Գետաբեյի, Դաշքեսանի, Քելբաջարի, Լաչինի, Կուբաթլիի, Զանգելանի շրջաններն են։ Դրանից այս կողմ Արևմտյան Ադրբեջան չի եղել, չկա ու չի կարող լինել։ Արևմտյան Հայաստանն էլ Արմավիրի մարզի արևմտյան հատվածն է, Արագածոտնի մարզի Բաղրամյանի շրջանն է, Թալինի շրջանն է, Մարալիկի տարածաշրջանն է, սա շատ կարեւոր է: Արեւմտյան Հայաստանը Արաքս գետի մոտ ավարտվում է»,- նշել է Փաշինյանը։

Այն, որ փաշինյանական իշխանության նպատակներից մեկն էլ Ցեղասպանության ուրացումն է, եւս մեկ անգամ հաստատվեց: Ի դեպ, խոսքը նաեւ ՀՀ Սահմանադրության հերթական ոտնահարման մասին է:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Փաշինյանը նպատակ ունի կտրել թաղման նպաստները «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը Լավրով. Մոսկվան արևմտյան զորքերի տեղակայումն Ուկրաինայում կդիտարկի որպես պատերազմի հայտարարում