Կրկեսից՝ վանդակ, այնուհետև՝ փրկություն․ Հայաստանում ևս մեկ արջ ազատվեց գերությունից

Վայրի բնության և մշակութային արժեքների պահպանման հիմնադրամը (FPWC) համագործակցելով Կենդանիների փրկության միջազգային կազմակերպության (IAR) հետ, հաջողությամբ փրկել է Մարգարիտա անունով արջին, որը տարիներ շարունակ պահվել է Բազմաղբյուր ձորի հանգստյան գոտիներից մեկում՝ անմխիթար պայմաններում:

Մարգարիտան, որը նախկինում հանդես է եկել կրկեսում, վերջին չորս տարիներն անցկացրել է Բազմաղբյուրի հանգստյան գոտու փոքր վանդակում՝ ենթարկվելով ֆիզիկական և հոգեբանական տառապանքների։ Փրկարար գործողության շնորհիվ արջը տեղափոխվել է Ուրցաձորում գտնվող Վայրի կենդանիների փրկարար կենտրոն (WRC), որտեղ ստանում է մասնագիտական խնամք և վերականգնողական թերապիա:

«Մարգարիտայի պատմությունը ցույց է տալիս, թե ինչպես կարելի է փոխել գերության մեջ գտնվող վայրի կենդանիների ճակատագիրը», - նշում է FPWC-ի տնօրեն Ռուբեն Խաչատրյանը՝ շարունակելով,- «Մեր նպատակն է ապահովել նրա լիարժեք վերականգնումը և բարեկեցությունը»:

Ներկայումս Մարգարիտան ստանում է՝

• Հատուկ մշակված սննդակարգ
• Մասնագիտական կենդանաբուժական խնամք
• Վարքաբանական վերականգնողական աջակցություն

Հիշեցնենք, որ Վայրի բնության և մշակութային արժեքների պահպանման հիմնադրամը (FPWC) առաջատար բնապահպանական կազմակերպություն է Հայաստանում։ Հիմնադրամի կողմից ստեղծված Վայրի կենդանիների փրկարար կենտրոնը (WRC) եզակի հաստատություն է, որն ապահովում է վտանգված և փրկված կենդանիների պահպանությունն ու խնամքը։ Կենտրոնի հիմնման օրվանից մի քանի տասնյակ արջեր փրկվել և ապաստան են գտել այստեղ՝ ազատվելով ռեստորանների, բենզալցակայանների, ավտոկայանների և այլ մասնավոր անբարենպաստ պայմաններից։ Կենտրոնում կենդանիներն ստանում են մասնագիտական խնամք, հատուկ մշակված սննդակարգ և անհրաժեշտ կենդանաբուժական օգնություն՝ ներառյալ ձմեռման նախապատրաստական աշխատանքները։

Կենդանիների փրկության միջազգային կազմակերպությունը (IAR) համաշխարհային ճանաչում ունեցող կառույց է, որը մասնագիտացած է վայրի կենդանիների փրկության և վերականգնման ոլորտում։ Հայաստանում IAR-ը հանդիսանում է FPWC-ի ռազմավարական գործընկերը՝ համատեղ իրականացնելով Արջերի փրկության ծրագիրը։

Այս թեմայով Տրոլեյբուսի վարորդի վրա շիշ շպրտած կինը զոհվածի ծնող է, նրան բերման են ենթարկել Ռուս դերասան Վլադիսլավ Բենգրաֆն ու նրա կինը՝ Եվգենյան, վեճի ժամանակ դանակաhարել են միմյանց Գյումրու բժշկական կենտրոնի և «Էրեբունի» ԲԿ-ի միջև համագործակցության հուշագիրը վկայում է Ձեր հեռատեսության և համակարգային մտածողության մասին Անվտանգությունը գիտակցված առաջնահերթություն է, հայրենիքը՝ արժեք, իսկ ապագան՝ պլանավորված նպատակ Բացառիկ կադրեր․ ինչ է մնացել Կանազի մշակույթի տան վառված շենքից․ ներսի հատվածը մոխրացել է