«18 ՄԵԴԱԼ, ՈՐԻՑ 9-Ը ՈՍԿԵ»

 Վերջերս Հայաստանի Ավանդական ուշու ֊սանդայի պատանիների, երիտասարդների ու մեծահասակների հավաքականը փայլուն է հանդես եկել Վրաստանի Բաթումի քաղաքում կայացած միջազգային մրցաշարի ժամանակ ։Մեր մարզիկները նվաճել են 18 մեդալ, որից 9 ոսկե, 7 արծաթե ու 2 բրոնզե։ Ավանդական ուշու ֊սանդայի Հայաստանի հավաքականի դեռահասների, պատանիների, երիտասարդների մարզիչ ԳԵՎՈՐԳ ԱԼԻԽԱՆՅԱՆԸ, Iravunk. com -ի մարզական թղթակցի հետ բացառիկ զրույցում նշեց.

- Մեր երկրի հավաքականը փայլուն արդյունք ցուցաբերեց պատանիների, երիտասարդների ու մեծահասակների խմբում, նվաճելով 9 ոսկե, 7 արծաթե ու 2 բրոնզե մեդալ։ Մասնակցում էին 11 երկրների ուժեղագույն մարզիկներ։ Ես շատ գոհ եմ այս արդյունքից։ Տարբեր տարիքային խմբերում ոսկե մեդալ նվաճեցին Ալիկ Ալավերդյանը, Էրիկ Վիրաբյանը, Դավիթ Վարդանյանը, Ռուբեն Մարգարյանը, Կարեն Սահակյանը, Արամ Բաղդասարյանը, Դավիթ Հովհաննիսյանը, Գրիշա Ալիխանյանը, Սամվել Թադևոսյանը, Սերյոժա Ասատրյանը, Նարեկ Հարությունյանը։ Նշեմ, որ Եվրոպայի կրկնակի չեմպիոն Աղվան Մագոյանը ևս լավ հանդես եկավ, ցավոք մրցավարները անարդար գտնվեցին ու նրան չտվեցին հաղթանակը, բացահայտ նա էր հաղթել։ Նշեմ, որ այս մրցաշարին մեկնել էինք մեր ֆեդերացիայի ֆինանսավորմամբ, մեր ֆեդերացիայի նախագահը Ռուսամ Ալավերդյանն է, նա ջանք ու եռանդ չի խնայում այս մարզաձևը մեր երկրում զարգացնելու համար։ Այս մրցաշարին մեկնել էինք ֆեդերացիայի նախագահ Սուրեն Մաթևոսյանի, մեծահասակների մարզիչ Մուշեղ Հայրապետյանի, իմ և պատանիների ու երիտասարդների հավաքականի երկրորդ մարզիչ Մանուկ Մանուկյանի գլխավորությամբ։ Ուշու ֊սանդան չինական ուշու մարտարվեստի ոճերից է, որը թարգմանաբար նշանակում է ազատ մենամարտ։ Այստեղ կիրառվում են ձեռքի, ոտքի տեխնիկական, պաշտպանողական հարվածներ, ինչպես նաև գցումներ։

Այս մարզաձևը Հայաստանում բավականին տարածված է։ Մենամարտի ժամանակ անհրաժեշտ է վայրկյանների ընթացքում ճիշտ կողմնորոշվել։

Հաջորդ տարի փետրվարին միջազգային մրցաշար կլինի, սեպտեմբերին էլ Բրազիլիայում կկայանա Աշխարհի առաջնությունը։

Շատ շնորհակալ ենք, որ մշտապես լուսաբանում եք մեր նվաճումների մասին, անխափան գործունեություն Ձեր թերթին։

Մեր ողջ ֆեդերացիայի անունից շնորհավորում ենք հայ ազգին, մըր զինվորներին Ամանորի ու Սուրբ Ծննդյան տոների առթիվ, մաղթում խաղաղության, երջանկության, նորանոր ձեռքբերումների տարի։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ