Starlink-ը Հայաստանի համար տեխնոլոգիական նոր դարաշրջանի սկիզբ կարող է դառնալ. Forbes

Ամերիկյան Forbes ամսագիրը հրապարակել է ծավալուն հոդված, որտեղ ներկայացվում են ամերիկացի գործարար, միլիարդատեր Իլոն Մասկի Starlink արբանյակային ինտերնետի ծրագրի մեկնարկն ու դրա հնարավոր ազդեցությունը Հայաստանում։ Հոդվածի հեղինակ Քրեյգ Սմիթը նշում է, որ Starlink-ը Հայաստանի համար կարող է դառնալ ոչ միայն տեխնոլոգիական նորամուծություն, այլև ռազմավարական նշանակության գործիք՝ ամրապնդելով երկրի թվային և տնտեսական անկախությունը։

Ամերիկյան Forbes ամսագիրը հրապարակել է ծավալուն հոդված, որտեղ ներկայացվում են ամերիկացի գործարար, միլիարդատեր Իլոն Մասկի Starlink արբանյակային ինտերնետի ծրագրի մեկնարկն ու դրա հնարավոր ազդեցությունը Հայաստանում։ Հոդվածի հեղինակ Քրեյգ Սմիթը նշում է, որ Starlink-ը Հայաստանի համար կարող է դառնալ ոչ միայն տեխնոլոգիական նորամուծություն, այլև ռազմավարական նշանակության գործիք՝ ամրապնդելով երկրի թվային և տնտեսական անկախությունը։

Հոդվածում մանրամասն ներկայացվում է, թե ինչպես է Starlink-ը փոխելու Հայաստանի թվային ենթակառուցվածքները։ Հատկապես շեշտվում է, որ երկրի լեռնային տեղանքը և հեռավոր գյուղական համայնքները տարիներ շարունակ տուժել են կայուն և արագ ինտերնետ կապի բացակայությունից։ Starlink-ի միջոցով գերարագ ինտերնետը հասանելի կդառնա նույնիսկ ամենահեռավոր բնակավայրերում։

Սմիթն օրինակ է բերում Հայաստանի Սյունիքի մարզի գյուղատնտեսների առօրյայից։ «Հեռավոր գյուղերի ֆերմերներն այժմ կկարողանան առցանց հետևել շուկայական գներին, նորագույն տեխնոլոգիաներին ու զարգացումներին։ Այսպիսով, գյուղական համայնքները կստանան աննախադեպ հնարավորություններ՝ կրթական, առևտրային և բժշկական ոլորտներում»,- գրում է հեղինակը։ Հատուկ ուշադրություն է դարձվում նաև այն փաստին, որ Starlink-ի միջոցով Հայաստանի ուսանողները հնարավորություն կստանան օգտվել համաշխարհային կրթական հարթակներից՝ վերջապես հավասար պայմաններ ունենալով կրթության հասանելիության տեսանկյունից։

Քրեյգ Սմիթը Starlink-ի ներդրումը դիտարկում է նաև Հայաստանի անվտանգության և աշխարհաքաղաքական դիրքավորման համատեքստում։ Ներկայիս տարածաշրջանային լարվածությունը՝ Ադրբեջանի հետ հակամարտությունների ֆոնին, ավելի կարևոր է դարձնում կայուն և անվտանգ ինտերնետ կապի անհրաժեշտությունը։ Սմիթն ընդգծում է Ուկրաինայի օրինակը, որտեղ Starlink-ը կարևոր դեր խաղաց կապի պահպանման գործում ռազմական գործողությունների ընթացքում։ Հոդվածում նշվում է, որ Հայաստանում նման համակարգի ներդրումը կարող է ունենալ ռազմավարական նշանակություն՝ հակամարտության ժամանակ կապի խափանումներից խուսափելու համար։

Հոդվածում ներկայացվում են նաև Հայաստանի կառավարության ձեռնարկած քայլերը Starlink-ի ծրագրի արագացված ներդրման ուղղությամբ։ ՀՀ բարձր տեխնոլոգիական արդյունաբերության նախարարությունը սերտորեն համագործակցում է SpaceX-ի հետ՝ կարգավորող խնդիրների լուծման, ենթակառուցվածքների ներդրման և անհրաժեշտ թույլտվությունների ապահովման համար։

Հանրային ծառայությունները կարգավորող հանձնաժողովը վերջերս հաստատել է Starlink-ի լիցենզավորման հայտը, ինչը նշանակում է, որ ընկերությունը շուտով կմտնի փորձարկման փուլ։ Բարձր տեխնոլոգիական արդյունաբերության նախարար Մխիթար Հայրապետյանը նշել է, որ փորձարկումները կավարտվեն առաջիկա ամիսներին, ինչից հետո Starlink-ը լիարժեք կգործարկվի։ Հոդվածում Քրեյգ Սմիթը գրում է, որ Starlink-ի հաջողությունը Հայաստանում կարող է ունենալ լայն տարածաշրջանային ազդեցություն՝ խթանելով թվային վերափոխումն ամբողջ Կովկասում։

Այս թեմայով «Հրապարակ»․ Հակագազով պատժելը հին ու տարածված մեթոդ է Շիրակի համալսարանում կրքերը թեժացել են. Մամուլում ահազանգերը չեն դադարում Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին Ես քեզ սիրում եմ, Ներիր, Օգնիր. գուցե հենց այստեղ է թաքնված երջանկության բանալին. Հայտնի փաստաբանի ուշագրավ գրառումը Էփշտեյնի փաստաթղթերում հայտնաբերվել է Չուբայսի մասին նամակ