Հայաստանում շուրջ 130 հազար 18-29 տարեկան չաշխատող և չսովորող երիտասարդներ կան. Նարեկ Մկրտչյան

«Հայաստանում ունենք կառուցվածքային և ցիկլիկ գործազրկություն»,-կառավարության նիստում հայտնեց աշխատանքի և սոցիալական հարցերի նախարար Նարեկ Մկրտչյանը՝ զեկուցելով «Զբաղվածության 2025-2031 թվականների ռազմավարական ծրագիրը հաստատելու մասին» որոշումը։

Նրա խոսքով՝ ուսումնասիրությունները ցույց են տալիս, որ Հայաստանում կա մի շարք խնդիրներ՝ հատկապես պոտենցիալ աշխատուժի զգալի մասն է անմրցունակ և չունի համարժեք գիտելիքներ, փափուկ և մասնագիտական այն հմտությունները, որոնք անհրաժեշտ են ժամանակակից  արագ փոփոխվող աշխատաշուկայի կարիքները բավարարելու համար։

«Պոտենցիալ աշխատաուժի մարտահրավերը 2022 թվականին կազմել է ընդհանուր աշխատանքային ռեսուրսների 15 %-ը կամ 339 հազար մարդ»,-հայտնեց նախարարը։

Նշելով, որ աշխատանքի բացակայությունն աղքատության ավելացման պատճառ է՝ նախարարն ասաց. «Ռազմավարական ծրագիրը միտված է փոխելու հանրության շրջանում աշխատանքի ընկալումը և դրա արդյունքում նաև վարքագիծը՝ աշխատող քաղաքացու կարևորությունն ընդգծելու համար»,- ասաց նախարարը։

Նրա ներկայացմամբ՝ ռազմավարության հիմնական նպատակներից է մարզային քաղաքներում ապահովվի ոչ գյուղատնտեսական արտադրության բարձր արտադրողականության ունեցող զբաղվածության աճ։

Մյուս նպատակը՝ 18-29 տարեկան չսովորող, չաշխատող  երիտասարդության զբաղվածության աճն է՝ հմտությունների շարունակական զարգացմամբ, նրանց հնարավորության ընդլայնման և արտադրողականության բարձրացման միջոցով։

Մկրտչյանը նշեց, որ 2022 թվականին շուրջ 130 հազար 18-29 տարեկան չաշխատող և չսովորող երիտասարդներ կան։

Ռազմավարության մյուս նպատակը, ըստ նախարարի, 30-40 տարեկան
կանանց զբաղվածության աճն է։

Նարեկ Մկրտյանը նշեց որ ռազմավարության հիմնական նպատակներից է ընտանեկան և սոցիալական նպաստ ստացող աշխատունակ շահառուների ինտեգրումն է սոցիալալական նպաստ ստացոցների համակարգի արդյունավետության բարձրացման միջոցով։

«Մյուս նպատակը պետական քաղաքականության համակարգի փոխակերպումն է՝ նպատակաուղղված մարդկային կապիտալի զարգացմանը, բարձր արտադրողականությամբ աշխատատեղերի աճին։ Աշխպատուժի առաջարկի և պահանջարկի անհամապատասխանության կրճատմանը»,- ասաց նախարարը։

Այս թեմայով Առաջինը ես չէի հարգի Նարեկին, եթե վախենար Ալենից ու Նիկոլից. քաղբանտարկյալ Սամսոնյանի կնոջ խոսքը Սամսոնյանի եւ Սաղաթելյանի հարցով արձագանքելը ՄԻՊ-ի պատվի հարցն է Նարեկ Զեյնալյանը կրկին անդրադարձել է թուրքական Շտապօգնության մեքենայով Երեւան տեղափոխված պացիենտի դեպքին Քաղբանտարկյալ Նարեկ Սամսոնյանը՝ ԵԽ լրագրողների անվտանգության հարթակի արձագանքի մասին «Օրինական» թալա՞ն