Բլոգեր 222 lava-ն տուգանվել է 109 մլն դրամով, տուգանքի չափը վերջնական չէ, վարույթը չի ավարտվել, թիվը ենթակա է փոփոխման. ՊԵԿ

Ինֆլյոենսեր-բլոգեր 222 lava-ն տիկտոկերյան իր ալիքում հրապարակած տեսանյութում հայտնում է, որ ՊԵԿ-ն իրեն 109 մլն դրամի չափով վարչական տուգանքի է ենթարկել:

«Հարկային դաշտը վերջը 222 lava-ին էլ հասավ՝ 109 մլն դրամի վարչական տուգանքի չափով: Որ նման գումարներ եք ուղարկում, մտածո՞ւմ եք, որ մարդ կարող է բացի և ինֆարկտ ստանա, ո՞վ է պատասխան տալու: Գիտեմ, որ դուք հաճույք եք ստանում մեծ եկամուտ ստացող մարդուն նվաստացնելուց, բայց իմ դեպքում չպետք է այդպես լինի, ես բիզնեսմեն չեմ: Եկել եք ինձ, որ ո՛չ բիզնես ունեմ, ո՛չ առքուվաճառքի գործարք եմ անում, ո՛չ գովազդ եմ անում, տուգանո՞ւմ եք»,- ասաց նա:

ՊԵԿ-ից Tert.am-ին հարցի առնչությամբ հայտնեցին. «Ինֆլյոենսեր-բլոգերն իրականացրել է ապօրինի ձեռնարկատիրություն, վարչական վարույթ է հարուցվել, որը դեռևս ավարտված չէ և նշված թիվը վերջնական չէ, ենթակա է փոփոխման»:

Նյութի աղբյուր՝ https://www.tert.am/am/news/2024/12/27/bloger/4218332

Այս թեմայով Թրամփը Գերմանիայում ամերիկյան զորքերի թիվը կրճատելու է հայտարարված 5000-ից շատ ավելի մեծ թվով Z-բլոգեր Կալաշնիկովը կոչ է արել ռուսներին պատրաստվել նրան, որ Պուտին այլեւս չի լինի Ինչու SisMasis-ի Սամվել Կարապետյանը մտավ քաղաքականություն Տրոլեյբուսի վարորդի վրա շիշ շպրտած կինը զոհվածի ծնող է, նրան բերման են ենթարկել «Իրավունք». Ականջս դինջ ապրում եմ իմ ինչ պետքն ա մտնեմ առաջին գիծ. Օնիկ Գասպարյանը խառնվել է իրար