Փաշինյանին անվստահություն հայտնելը սարերի հետևում չէ. Մամիջանյան

Մենք կարծում ենք, որ իշխանափոխության կարելի է հասնել փողոցային պայքարով, որի գագաթնակետը կդառնա Փաշինյանին անվստահություն հայտնելը, եւ այդ գործընթացը, թվում է, սարերի հետեւում չէ՝ նկատի ունենալով գործընթացները կառավարող կուսակցության ներսում։ Այս մասին լրագրողների հետ հանդիպման ժամանակ դեկտեմբերի 26-ին ասել է Հայաստանի Հանրապետական կուսակցության անդամ, ընդդիմադիր պատգամավոր Հայկ Մամիջանյանը։

Նրա գնահատմամբ, ընդդիմությունը չի կարող իշխանափոխություն իրականացնել առանց լայն զանգվածների աջակցության։ Նա խոստովանել է, որ ընդդիմությունը չի հասել իր նպատակին, քանի որ Փաշինյանը դեռ իշխանության ղեկին է։ Միաժամանակ, քաղաքական գործիչը կոչ է արել հաշվի առնել, որ պայքարի յուրաքանչյուր հաջորդ փուլ ավելի մարդաշատ ու ավելի մոտ էր իր նպատակին, քան նախորդը։

«Հանուն հայրենիքի» շարժման բողոքի ցույցերի ժամանակ Երեւանի Հանրապետության հրապարակն ավելի մարդաշատ էր, քան 2018թ.՝ Սերժ Սարգսյանի հրաժարականից հետո։ Սակայն իշխանափոխության հասնել չհաջողվեց, կան թե՛ օբյեկտիվ, թե՛ սուբյեկտիվ պատճառներ, որոնք պետք է քննարկենք գործընկերների հետ՝ հետագայում սխալներից խուսափելու համար։ Ինչ վերաբերում է հունիսի 12–ի դեպքերին, հատկանշական է, որ Փաշինյանը ամեն առիթով ասում է, որ պատրաստ չէ ռազմական ճանապարհով ապաօկուպացնել Ջերմուկի տարածքները, բայց պատրաստ է զենք կիրառել խաղաղ ցուցարարների, հայերի դեմ։ Քաղաքացիների դեմ կիրառվել են հատուկ միջոցներ, որպեսզի նրանք չանցնեն մի փողոցից մյուսը»,- հիշեցրել է պատգամավորը՝ անհամաչափ անվանելով միջազգային հանրության արձագանքն այս իրադարձություններին։

Մամիջանյանը հավաստիացրել է, որ ՀՀԿ ամենօրյա աշխատանքի նպատակը իշխանափոխության հասնելն է, եւ այլ քաղաքական օրակարգ չկա, քանի որ դրանից է կախված Հայաստանի անվտանգությունը։ Նա համոզված է, որ նոր ընտրություններ անցկացնելու համար Փաշինյանին պետք է ինչ–որ թղթի տակ Ադրբեջանի նախագահ Ալիեւի ստորագրությունը կամ ինքնագիրը։ Հենց այս ինքնագիրն է հիմա հետապնդում Փաշինյանը։

Միաժամանակ, պատգամավորը կասկածում է, որ իշխանությունները կգնան արտահերթ ընտրությունների՝ իշխանությունների գործողությունների կանխատեսումն անվանելով անշնորհակալ գործ։ 

Այս թեմայով «Քայլ արա» ու բոլ ա սուտ խոսաս. Հայկ Մամիջանյան Մարդիկ՝ Փաշինյանի հետ քայլ են արել, չասեմ՝ ուր են. ՏԵՍԱՆՅՈՒԹ Իրականում ուր է գնում Հայաստանը Փաշինյանը վախենում է եւ ամեն ստոր տարբերակով պայքարում է հայրենասերների դեմ. Մամիջանյան Դեռ ՍԴ որոշումը չի եղել, բայց ֆոն դեր Լայենը եկել ու գովերգում է ընտրությունները. Մամիջանյան