Samsung-ը պատրաստվում է թողարկել իր նոր առաջատար սմարթֆոն Galaxy S25 Ultra

Samsung-ը պատրաստվում է թողարկել իր նոր առաջատար սմարթֆոն Galaxy S25 Ultra, որը կներկայացվի 2025 թվականի հունվարին։ Վերջին արտահոսքի համաձայն՝ սարքը կգա մի քանի յուրահատուկ գունային տարբերակներով, այդ թվում՝ Titanium Blue և Titanium White Silver:

Titanium White Silver» գույնը, որը բացահայտվել է հանրահայտ Ice Universe-ի կողմից, ունի սպիտակ կափարիչ և արծաթագույն կողային շրջանակ: Այս դիզայնը, ըստ ինսայդերի, «շատ գեղեցիկ» կլինի։ Չնայած այս գույնը չի լինի հիմնական գույնը, այն հնարավոր կլինի գնել Samsung-ի պաշտոնական կայքի միջոցով:

«Տեղեկությունները 100%-ով հավաստի են։ S25 Ultra-ի չորս ավանդական գույների թվում է նոր սպիտակը: Այն ունի սպիտակ մեջք և արծաթագույն կենտրոն՝ մարմնի շրջանակի տեսքով։ Պաշտոնական անվանումը՝ Titanium Whitesilver: Շատ գեղեցիկ է»,- գրել է Ice Universe-ը:

Մինչ այդ, ինչպես նշում է iXBT-ն, Galaxy S25 Ultra-ի այս գույնի նախատիպն արդեն ցուցադրվել էր ինսայդեր Ռոլանդ Քուանդտի կողմից։ Սպասվում է, որ սմարթֆոնը կաշխատի Qualcomm Snapdragon 8 Elite պրոցեսորով։

Ice Universe-ը հայտնի է նոր սմարթֆոնների վերաբերյալ իր ճշգրիտ կանխատեսումներով։ Նա կանխատեսել էր ջրվեժային էկրանների թրենդը, նշել էր iPhone X-ի և iPhone 14-ի դիզայնը, ինչպես նաև առաջինն էր, ով խոսել էր Samsung-ի կողմից մշակված բջջային տեսախցիկների համար 200 մեգապիքսել մատրիցայի մասին:

Այս թեմայով Քաղցկեղի 5 տեսակ, որոնք ամենադժվարն են բուժվում Ապրիլ ամսվա ծուղակները. Բաց չթողնեք վաղը «Իրավունք-TV»-ի եթերում Շնորհավոր ծնունդդ Զորավար, խոնհարում քեզ՝ Հայի զտարյուն տեսակ. Հայտնի իրավապաշտպանի շնորհավորական ուղերձը Դիմում եմ ՀՀ Կառավարությանը. Հայտնի փաստաբանը ուշագրավ հայտարարությամբ է հանդես եկել Ցավալի է, բայց ծիծաղում եմ