«Բետիսն» առաջընթաց կլինի Տիկնիզյանի համար, ՌՊԼ-ն ոչինչ չի ներկայացնում. Գուրենկո

Մոսկվայի «Լոկոմոտիվի» և իսպանական «Ռեալ Սարագոսայի» նախկին ֆուտբոլիստ Սերգեյ Գուրենկոն Legalbet-ին տված հարցազրույցում խոսել է «Լոկոմոտիվի» ֆուտբոլիստ Նաիր Տիկնիզյանի՝ «Բետիս» հնարավոր տեղափոխության մասին։

«Ուրախ եմ, որ Տիկնիզյանով հետաքրքրվում են։ Նա լավ և կայուն եզրային պաշտպան է։ Տղան արժանի է դրան։ Բայց նա դեռ միայն տրանսֆերային ցուցակում է, դեռ չի տեղափոխվել։ Պայմանագրերը, ընդհանուր առմամբ, լռություն են սիրում։  Չի կարելի, որ տեղեկությունները արտահոսեն։ Երբ ամեն ինչ լուռ է և առանց շտապողականության, պայմանագիր ստորագրելու հնարավորությունները ավելի մեծ են դառնում։ Ես դա իմ փորձով եմ գիտակցել։

«Լոկոմոտիվը» Եվրոպայում հայտնի անուն ունի, ակումբին ճանաչում են։ Բայց «Բետիսն» առաջընթաց է «Լոկոմոտիվի» համեմատ, հատկապես հիմա։ Բացի այդ, տուն վերադառնալու համար միշտ էլ ժամանակ կունենաս։ Իսպանիայի առաջնությունում խաղալը մեծ քայլ է։ Մեր առաջնության մակարդակը հիմա ընդհանրապես համեմատելու բան չէ, մենք ոչ մի բան չենք ներկայացնում»,- ասել է Գուրենկոն Legalbet-ի թղթակից Դմիտրի Բեբյակինին։

Ավելի վաղ Legalbet-ը հայտնել էր, որ Թիկնիզյանը «Բետիսի» ամառային տրանսֆերային պատուհանում թիմի ուժեղացման նպատակով կազմված ցուցակում է։

Այս թեմայով «Վերոնան»` Նաիր Ծառայություններով հետաքրքրված լինելու մասին Նաիր Տիկնիզյանը` իտալական ակումբի ուշադրության կենտրոնում Երկխոսության մեջ ենք, եթե Տիկնիզյանի Եվրոպա տրանսֆերը կայանա, ակումբը կհայտարարի դրա մասին. գործակալ Խոակին Կապառոսը ամռանը կփորձի ձեռք բերել Տիկնիզյանին «Լոկոմոտիվի» գլխավոր մարզիչը` Տիկնիզյանին քիչ խաղաժամանակ տրամադրելու մասին