Գիտնականները հայտնաբերել են կապ ալերգիայի ու սթրեսի միջև

Ճապոնացի գիտնականները եկել են այն եզրահանգման, որ որոշ դեպքերում լուրջ ալերգիկ ռեակցիաները կապված են լինում CRH-ի՝ սթրեսի յուրահատուկ հորմոնի հետ: Հետագա ուսումնասիրությունից հետո այս տեղեկատվությունը կօգնի պարզել, թե ինչպես է մարդու մարմնում ընթանում այն գործընթացը, որի ընթացքում սթրեսի հորմոնը խթանում է մարդու քիթըմպանում ալերգիկ ռեակցիայի սկիզբը մեկնարկող բջիջների բազմացումը:

Ալերգիայի և սթրեսի միջև կապը գրավել է հետազոտության ղեկավար Միկա Յամանակա-Տակաիտիի ուշադրությունն այն բանից հետո, ինչ նրա հիվանդներից շատերն սկսել են գանգատվել, որ իրենց օրգանիզմում ալերգիայի դրսևորումներն ավելի են սրվում նյարդայնանլու դեպքում: Հենց սա էլ ստիպել է գիտնականին մանրամասն ուսումնասիրել այս ֆենոմենը:

Գիտափորձերի ընթացքում մասնագետները սթրեսի հորմոն են ավելացրել քթի պոլիպների արհեստականորեն աճեցված նմուշներին, որից հետո հայտնաբերել են, որ ալերգիկ ռեակցիայի առաջացման համար պատասխանատու բջիջների կտրուկ աճ է գրանցել:

Այնուամենայնիվ, մկների վրա անցկացված փորձերի արդյունքում գիտնականները պարզել են, որ այս ռեակցիան կարելի է չեղարկել, օրինակ՝ անտալարմին նյութի գործածության միջոցվ: 

Հետազոտություններն այս ոլորտում դեռ շարունակվելու են, քանի որ քրոնիկ սթրեսի պատճառով ալերգիաների զոհ դարձած մարդկանց թիվն աշխարհում անդադար աճում է, և եթե մարդիկ արդեն սովորել են հաղթահարել սթրեսը, ապա ալերգիաններն առ այսօր դեռ դուրս են բժշկության վերահսկողությունից:

Նյութի աղբյուրը՝ med2.ru

Այս թեմայով 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Ֆրանսիայում 7000 մարդ է մահացել շոգի պատճառով ՀՐԱՏԱՊ. Ավտոբուսը շրջվել է, 5 մարդ մահացել է