Սիրիայի ընդդիմության ներկայացուցիչները հանդիպել են հայ համայնքի հետ․«Գանձասար» շաբաթաթերթի խմբագիրը բացառիկ մանրամասներ է ներկայացնում

«Հալեպն ամբողջությամբ ընդդիմության վերահսկողության տակ է, ծայրամասերում շրջաններ կան, որ քրդական ներկայություն է այնտեղ: Բոլորը սպասում են, թե ինչպես է զարգանալու քաղաքական պատկերը: Այս պահին տնտեսական դժվարություններ կան, մարդիկ իրենց բնականոն աշխատանքին չեն անցել: Բայց վաղվանից արդեն կսկսեն գործել բուհերը, դպրոները, կամաց-կամաց իրավիճակը փոխվում է դեպի բնականոն ընթացք։ Այս պահին Հալեպի օդանավակայանները դեռ փակ են, բայց քաղաքի ներսում կյանքը նորից սկսում է եռալ, բացվել են աշխատատեղերը։ Երկուշաբթի օրվանից արդեն կսկսեն գործել նաեւ հայկական դպրոցները բոլոր սիրիական համայնքներում»,- «Իրավունքի»  հետ  զրույցոմ ասաց  Հալեպի «Գանձասար» շաբաթաթերթի խմբագիր Զարմիկ Պողիկյանը, ընդգծելով․

-Թե առաջիկայում ինչ զարգացումներ կլինեն չենք կարող ասել, առայժմ հանդարտություն է, անշուշտ մարդիկ կան, ովքեր ցանկանում են մեկնել օդանավակայանները բացվելուն պես, բայց մեկնել ցանկացողների թիվը շատ փոքր է։ Հիմնականում այնպիսի ընտանիքներ են ուզում գալ Հայաստան, ովքեր Հայաստանում տուն են, տնտեսապես, ֆիննանսապես կայուն են, մեծամասնությունը չի ցանկանում վերադառնալ հայրենիք, ուզում են ապրել իրենց ստեղծած օջախում։

-Իսկ հայ համայնքի նկատմամբ կա՞ ներկա կառավարիչների մոտ բացասական վերաբերմունք։

-Բացարձակ, ընդհակառակը, ընդդիմության ներկայացուցիչները հանդիպել են քրիստոնյա եւ հայ համայնքի հետ, վստահեցրել են, որ իրենք կոնկրետ ժողովրդի հետ խնդիր չունեն եւ, որ մարդիկ ինչպես ապրել են այնպես էլ կարող են շարունակել ապրել։ Արդեն գործում են հայ եկեղեցիները, վարժարանները, խանութները։ 

- Որքա՞ն հայ կա Հալեպում։

-Ճշգրիտ թվեր չունենք, որովհետեւ վաղուց մարդահամար չի անցկացվել։ Ընդհանուր Սիրիայում կա 40 հազար հայ պլյուս-մինուսով։ 

Այս թեմայով Երեւանում օդի աղտոտման մակարդակը հատել է կարմիր գիծը.Միջազգային IQAIR կայքում Երեւան ներկայացվել է, որպես վտանգավոր քաղաք Անարմատ ծառերը ամենից բարձր են խշխշում քամու պահին, բայց ամենից առաջ իրենք են տապալվում. Իրանահայ խմբագիր Այս ընտրությունները պետք է վերաբերվեն Վաղարշապատի և վաղարշապատցու խնդիրների վեր հանմանն ու դրանց լուծմանը, այլ ոչ թե վերածվեն քաղաքական հաշվեհարդարների հարթակի. Վահրամ Ազատյան Sputnik Ադրբեջան-ի կալանքից ազատված գլխավոր խմբագիր Եվգենի Բելոուսովը Բաքվից մեկնել է ՌԴ․ Զախարովա ՌԴ գլխավոր դատախազությունը հայտարարել է, որ RT հեռուստաալիքի գլխավոր խմբագիր Մարգարիտա Սիմոնյանի դեմ մահափորձի վերաբերյալ գործը ուղարկել է դատարան