Գիտնականները պարզել են՝ որ տարրն է պաշտպանում ճարպակալումից ու երկարացնում կյանքի տևողությունը

Ամերիկացի գիտնականների անցկացրած նոր ուսումնասիրությունը ցույց է տվել, թե որ նյութն է պաշտպանում ճարպակալումից ու նպաստում կյանքի տևողության երկարացմանը։ Մկների վրա անցկացված հետազոտության արդյունքում պարզվել է, որ նման ազդեցությամբ է օժտված սելենը: Ենթադրվում է, որ այս հավելումը նման ազդեցություն կունենա նաև մարդու օրգանիզմի վրա:

Հետազոտության շրջանակներում գիտնականները ցանկանում էին պարզել՝ արդյոք հնարավոր է երկարացնել կյանքի տևողությունն ու խուսափել ճարպակալումից առանց սննդակարգում կտրուկ փոփոխություններ անելու: Ավելին՝ նրանք նաև կիրառել են մեթիոնին ամինաթթվի մասին ունեցած տեղեկությունը, քանի որ հայտնի է, որ այս նյութի սահմանափակումն օգնում է երկարացնել կյանքի տևողությունը:

Գիտնականները մկներին բաժանել են երեք խմբի, որոնցից յուրաքանչյուրն ուներ իր սննդակարգը։ Առաջին խմբի մկները ստացել են նորմալ քանակությամբ մեթիոնին, երկրորդ խմբի մկների դեպքում դրա քանակությունը սահմանափակ է եղել, մինչդեռ երրորդ խմբի մկներն ստացել են ոչ միայն նորմալ քանակությամբ մեթիոնին, այլև որոշակի քանակությամբ սելեն, որն ավելացվել է նրանց սննդին։ Արդյունքում գիտնականները եկել են այն եզրահանգման, որ սելենի հավելումներն ինչպես հարկն է պաշտպանում են մկներին քաշի կտրուկ ավելացումից և ճարպի կուտակումից: Ընդ որում՝ այս արդյունքը գրանցվել է նաև կրծողների երկրորդ խմբի դեպքում:

Կյանքի տևողության վրա սելենի ազդեցությունը գնահատելու համար գիտնականները գիտափորձի ընթացքում խմորիչ են օգտագործել: Պարզվել է, որ սելենով հարստացված միջավայրում աճեցված լինելու դեպքում դրանք 62%-ով երկարացրել են կյանքի տևողությունը: Մեծ է հավանականությունը, որ այս հավելումը նույն ազդեցությունը կունենա նաև մարդու վրա, սակայն այս ենթադրությունը հաստատելու համար դեռ հավելյալ հետազոտություններ են անհրաժեշտ:

Այս թեմայով Իրանի հետ պատերազմից հետո իրավիճակը և հարաբերությունները տարածաշրջանում և աշխարհում այլևս երբեք առաջվանը չլինեն․ Իրանագետը ապրիլի 21-ից հետո հնարավոր զարգացումների մասին Իրանում սպասում են Բուշերի ատոմակայանի վրա խոշոր հարձակման Հետաքրքիր է, ի՞նչ էին այդ պահին մտածում «բանավեճին» ներկա գտնվողներն ու, հատկապես, գեղեցկություն հարգող ծաղկամանով այս տիկինը... Հայտնի իրավապաշտպանի իրավական, քաղաքական գնահատականը Սպարապետի մարդ, ռազմական,հասարակական,պետական գործչի վերաբերյալ Ովքեր են Խամենեիի հավանական իրավահաջորդները