Յուղազրկված սննդակարգը նվազեցնում է տղամարդկանց օրգանիզմում տեստոստերոնի մակարդակը

Ուորչեսթերի համալսարանի գիտնականները նոր հետազոտության արդյունքում եկել են այն եզրահանգման, որ ճարպերի ցածր պարունակությամբ սննդակարգը հանգեցնում է տղամարդկանց օրգանիզմում տեստոստերոն հորմոնի մակարդակի նվազման։ Հետազոտությունը, որի արդյունքները հրապարակվել են The Journal of Steroid Biochemistry and Molecular Biology հեղինակավոր գիտական ամսագրում, ցույց է տվել, որ միջինում այս հորմոնի մակարդակը նվազում է 10-15 տոկոսով։

Այս հորմոնի բավարար մակարդակը շատ մեծ նշանակություն ունի տղամարդկանց օրգանիզմի համար և շատ դեպքերում հենց դրանից է կախված տղամարդկանց առողջությունը, մինչդեռ մեծ քանակությամբ ճարպերով հարուստ սննդակարգը հանգեցնում է դրա մակարդակի զգալի նվազման, ինչն էլ բարձրացնում է սրտանոթային համակարգի հիվանդությունների, շաքարային դիաբետի ու ծերունական թուլամտության զարգացման հավանականությունը։ Բացի այդ, տեստոստերոնն ազդում է նաև տղամարդկանց ֆիզիկական վիճակի և հոգեկան ու սեռական առողջության վրա, ուստի դրա մակարդակի նվազումը հանգեցնում նաև ֆիզիկական վիճակի վատթարացման ու հոգեկան և սեռական խանգարումների զարգացման։

Այնուամենայնիվ գիտնականները նկատել են, որ սկսած 1970-ական թվականներից ամբողջ աշխարհում տղամարդկանց օրգանիզմում տեստոստերոն հորմոնի մակարդակի նվազման միտում է նկատվում, և մեծ է հավանականությունը, որ այն կապված է ճարպերի ցածր պարունակությամբ սննդակարգի հետ։ Գիտնականները նման եզրահանգման են եկել 6 լայնամասշտաբ հետազոտության մետաանալիզի արդյունքում։ Հետազոտությունների բոլոր մասնակիցները նախ հետևում էին ճարպերի բարձր պարունակությամբ սննդակարգին, որից հետո՝ ճարպերի ցարձր պարունակությամբ։

Այս թեմայով Շիրակի համալսարանում կրքերը թեժացել են. Մամուլում ահազանգերը չեն դադարում Ձեր իշխանությունը պրոֆեսորին կարող է տանել բանտ քաղաքական որոշմամբ, բազմաթիվ հիվանդներին թողնելով առանց բժշկական օգնության. Նախկին պատգամավորի պատասխանը ՔՊ-ական նախարարին «Զովետի» ՍՊԸ-ն արտադրել է վտանգավոր սննդամթերք․ արտադրությունը կասեցվել է Ես քեզ սիրում եմ, Ներիր, Օգնիր. գուցե հենց այստեղ է թաքնված երջանկության բանալին. Հայտնի փաստաբանի ուշագրավ գրառումը Անոթային աստղիկներից մինչեւ վարիկոզ երակներ. Միֆեր եւ իրականություն