Կաթի գործածությունը կարող է պաշտպանել սրտանոթային հիվանդություններից․ հետազոտություն

Գիտնականների անցկացրած նոր հետազոտությունը ցույց է տվել, որ կաթի կանոնավոր գործածությունը կապված չէ օրգանիզմում խոլեստերինի բարձր մակարդակի հետ: International Journal of Obesity ամսագրում հրապարակված հոդվածում ուսումնասիրվել է երեք խոշոր հետազոտություն: Պարզվել է, որ մարդիկ, որոնք պարբերաբար մեծ քանակությամբ կաթ են օգտագործում, ունենում են ինչպես «լավ», այնպես էլ «վատ» խոլեստերինի ցածր մակարդակ՝ չնայած այն փաստին, որ նրանց մարմնի զանգվածի ինդեքսն ավելի բարձր է լինում, քան կաթ չօգտագործողներինը: Ավելին՝ այլ խոշոր ուսումնասիրությունների հետագա վերլուծությունը ցույց է տվել, որ պարբերաբար կաթ օգտագործողների մոտ նաև 14%-ով ցածր է սրտանոթային հիվանդությունների վտանգը։

Գիտնականները կիրառել են գենետիկ մոտեցում կաթի գործածությանը՝ ուսումնասիրելով կաթնաշաքարի (լակտոզա) մարսման հետ կապված լակտազային գենի փոփոխությունը: Հետազոտության արդյունքում պարզվել է, որ գենետիկ այն տարբերակի առկայությունը, որի դեպքում մարդիկ կարող են յուրացնել կաթնաշաքարը, շատ լավ միջոց է պարզելու, թե ովքեր են ավելի շատ կաթ օգտագործում։

Ռեդինգի համալսարանի նուտրիգենետիկայի և նուտրիգենոմիկայի պրոֆեսոր Վիմալ Քարանիի խոսքով՝ այս հետազոտության արդյունքում իրենց հաջողվել է պարզել, որ այն մասնակիցները, որոնց մոտ առկա գենետիկ փոփոխություններն իրենք կապում էին մեծ քանակությամբ կաթի գործածության հետ, ունեին մարմնի զանգվածի ավելի բարձր ցուցանիշ ու ճարպային կուտակումներ, սակայն միևնույն ժամանակ նրանց օրգանիզմում ավելի ցածր էր «լավ» և «վատ» խոլեստերինների մակարդակները, ինչը շատ ավելի կարևոր էր։ Բացի այդ, նրանց մոտ զգալիոեն ավելի ցածր էր սրտի իշեմիկ հիվանդության հավանականությունը, ինչը խոսում է այն մասին, որ սրտանոթային հիվանդությունների կանխարգելման համար կաթի գործածության նվազեցման կարիք կարող է չլինել։

Այս թեմայով Հավանական եմ համարում, որ Նիկոլ Փաշինյանը կապահովի որոշ թվով պատրաստված ադրբեջանցիների մուտքը Հայաստան Կասեցվել է «Վանանդ Կաթ»-ում կաթնամթերքի արտադրությունը Անոթային աստղիկներից մինչեւ վարիկոզ երակներ. Միֆեր եւ իրականություն Զելենսկիի՝ երիտասարդ լինելու, Պուտինի նկատմամբ առավելություն ունենալու խոսքերը հիվանդ լինելու նշան են. Վոլոդին Ապրել օրենքով, մտածել ազատ, երբեք չհաշտվել անարդարության դեմ. Հայտնի փաստաբանի ամանորյա ուղերձը