Քնի որակը կապված է վաղաժամ մահվան բարձր հավանականության հետ․ գիտնականներ

Բրիտանացի գիտնականների նոր հետազոտությունը ցույց է տվել, որ քնի վատ որակի ու վաղաժամ մահվան հավանականության միջև կա ակնհայտ կապ։ Ընդ որում՝ այն առավել վառ է արտահայտված շաքարային դիաբետով հիվանդների մոտ, գրում է nbcchicago.com կայքը։

Գիտնականներն ապացուցել են, որ քնի հետ կապված լուրջ խնդիրներ ունեցող մարդկանց մոտ վաղաժամ մահվան վտանգը շատ ավելի բարձր է լինում, իսկ այդ ամենի հետ մեկտեղ նաև շաքարային դիաբետի առկայության դեպքում ժամանակից շուտ մահանալու հավանականությունն էլ ավելի է բարձրանում։ Հետազոտությունը ցույց է տվել, որ շաքարային դիաբետի դեպքում հաջորդ 9 տարում մահանալու հավանականությունը կազմում է 87 տոկոս։

Այնուամենայնիվ մասնագետները նախազգուշացնում են, որ անգամ շաքարային դիաբետով հիվանդ չլինելու դեպքում հարկավոր է շատ ուշադիր լինել, քանի որ քնի խանգարումները կապված են լինում վաղաժամ մահվան հավանականության հետ։ Գիտնականների խոսքով՝ շաքարային դիաբետով հիվանդների մոտ քնի խանգարումների դեպքում հաջորդ 9 տարում մահանալու հավանականությունը 12 տոկոսով ավելի բարձր է լինում, քան այն հիվանդների մոտ, որոնք չունեն քնի հետ կապված խնդիրներ։ Հետազոտության շրջանակներում մասնակիցները ներկայացրել են քնի հետ կապված հիմնական խնդիրները, որոնք առավել հաճախ կապված էին կողմնակի աղմուկների, լույսերի առկայության, անքնության կամ քնի օբստրուկտիվ ապնոէի հետ։

Մասնագետները նախազգուշացնում են, որ նման խնդիրներով մարդիկ ամենախոցելի հիվանդներն են, որոնք ունեն անհապաղ բուժման կարիք։ Հարկ է հիշել, որ զարգացման վաղ փուլերում քնի խանգարումները կարելի է հեշտությամբ բուժել, մինչդեռ որքան երկար է մարդն անուշադրության մատնում քնի խանգարումները, այնքան ավելի դժվար է լինում հետագայում խանգարումից ազատվելը։ Միևնույն ժամանակ շատ զգոն պետք է լինեն նաև բժիշկները՝ խնդրին ցուցաբերելով նույնքան լուրջ մոտեցում, որքան այլ ռիսկային գործոններին։

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Նախաքննական մարմնին ուղղակի պետք էր փակի տակ պահել. Նոր մանրամասներ նախկին վարչապետի որդու գործով Արցախը այլևս գոյություն չունի, հետևաբար Արցախի ԱԺ-ն էլ որևէ գործունեություն իրականացնելու իրավունք չունի, միանգամայն հիմնավոր չէ Այս համախտանիշով տառապող մարդը չի ունենում մեղավորության զգացում.Հոգեբույժը բացահայտում է, թե որ պաթոլոգիայի մասին է խոսքը