Transfermarkt-ը ներկայացրել է Ռոնալդուի և Մեսսիի տրանսֆերային փոփոխված արժեքները

Transfermarkt ինտերնետային պորտալը թարմացրել է Պորտուգալիայի հավաքականի և Սաուդյան «Ալ-Նասր» ակումբի հարձակվող Կրիշտիանու Ռոնալդուի, ինչպես նաև «Ինտեր Մայամիի» և Արգենտինայի ընտրանու հարձակվող Լիոնել Մեսսիի տրանսֆերային արժեքները։

Այժմ 39-ամյա Ռոնալդուի տրանսֆերային արժեքը գնահատվում է 12 միլիոն եվրո (նախկինում՝ 15 միլիոն եվրո): Ավելի վաղ Կրիշտիանու Ռոնալդուն դարձել էր պատմության առաջին ֆուտբոլիստը, ով խփել է 916 գոլ պաշտոնական խաղերում։ Նա խփել է հինգ գոլ «Սպորտինգում», 145՝ «Մանչեսթեր Յունայթեդում», 450՝ Մադրիդի «Ռեալում», 101՝ «Յուվենտուսում», 81՝ «Ալ-Նասրում» և 134՝ Պորտուգալիայի հավաքականում։ Ռոնալդուն ֆուտբոլի պատմության լավագույն ռմբարկուն է՝ հավաքականների, Եվրոպայի առաջնության, Չեմպիոնների լիգայի և Աշխարհի ակումբային առաջնության պատմության մեջ։

«Ինտեր Մայամիի» հարձակվող Լիոնել Մեսսիի արժեքը նվազել է 5 միլիոն եվրոյով՝ 25-ից դառնալով 20 միլիոն։ 37-ամյա արգենտինացին կորցրել է լիգայի առաջատարի դիրքը՝ այժմ կիսելով առաջին տեղը «Լոս Անջելես Գելաքսիի» կիսապաշտպան Ռիկի Պուչի հետ, ում արժեքը աճել է 5 միլիոն եվրոյով՝ 20-ից հասնելով 25-ի։

Այս թեմայով Ռոնալդուն խփեց 934-րդ գոլը, «Ալ Նասրը» դուրս եկավ ասիական ՉԼ-ի կիսաեզրափակիչ(տեսանյութ) Ռոնալդուն շքեղ գոլի ու դուբլի հեղինակ (տեսանյութ) Ռոնալդուն կարող է վերադառնալ իր նախկին ակումբ Ֆաբրիցիո Ռոմանոն` Ռոնալդուի և Մեսսիի նույն թիմում հանդես գալու լուրի մասին Մեսսին ու Ռոնալդուն նո՞ւյն թիմում