«ԼՈՍ ԱՆՋԵԼԵՍԻ ՕԽ-ԻՆ ԻՆՁ ԿՏԵՍՆԵՔ». ՀԱՅԱՍՏԱՆԻ ԱՌԱՋԱՏԱՐ ՀՐԱՁԻԳ, ՕԽ ՄԱՍՆԱԿԻՑ ԷԼՄԻՐԱ ԿԱՐԱՊԵՏՅԱՆ

Հայաստանի առաջատար հրաձիգ, Տոկիո - 2020 և Փարիզ - 2024 Օլիմպիական խաղերի մասնակից ԷԼՄԻՐԱ ԿԱՐԱՊԵՏՅԱՆՆ արծաթե մեդալ է նվաճել Լեհաստանում կայացած «Polish Open Kaliber» միջազգային մրցաշարում։ Iravunk. com -ի մարզական թղթակցի հետ զրույցում Էլմիրան այսպես մեկնաբանեց իր նվաճումը.

- Որակավորման փուլը հաղթահարեցի 573 միավորով և երկրորդ տեղով անցա եզրափակիչ։ Եզրափակչում խոցեցի 234,7 միավոր և նվաճեցի արծաթե մեդալ։ ՕԽ-ից հետո սա իմ առաջին մեդալն էր միջազգային մրցաշարում։ Շատ հետաքրքիր էր, կարոտել էի մրցումային պրոցեսը, կրակելը։

- Էլմիրա, այս տարի մասնակցեցիք Փարիզի Օլիմպիական խաղերին, հետաքրքիր է, ինչ տվեց Ձեզ այս ամենահեղինակավոր մրցաշարը։

- Փարիզի ՕԽ-ն ինձ տվեց մեծ ճանապարհ, որով ես հաճույքով եմ անցել, տվեց մեդալներ, հաջողություններ, սովորելու լիքը դասեր, որոնք ես քաղել եմ։ Չեմ կարծում, որ Փարիզ 2024-ին պետք է վերաբերվել որպես իմ մարզական ճանապարհի վերջ։ Ինձ համար Փարիզի ՕԽ-ն մեծ ճանապարհի մի հատվածն էր, որը հաղթահարելուց հետո նկատեցի, թե իմ առջև որքան ավելի մեծ սարեր են բացվում։ Ու այս ճանապարհն անցնելուց հետո միայն կարող ես շանս ունենալ ավելի մեծ սարեր բարձրանալու։

- Փարիզում ընդամենը 1 միավոր պակասեց Ձեզ, եզրափակիչ փուլ հասնելու համար։

- Որքան էլ շատերին թվա, թե իմ արդյունքը ցածր էր, բավարար չէր, որ չեմ հաղթահարել որակավորման փուլը, ես մրցման ժամանակ տեսել եմ, թե որքանով եմ պատրաստ, թե որքան ճիշտ եմ օգտագործում նախորդ մրցաշարերում թույլ տված սխալներս ու որքան ճիշտ եմ գտել դրանց լուծումները։ Այս ամենը Փարիզի մրցահարթակում մրցելույթիս ժամանակ տեսնելով հասկացել եմ, որ իմ նպատակները շատ ավելի մեծ են ու հեռանկարային։ Ավելի շատ եմ համոզվել, որ պատրաստ եմ անել ավելին։ Արդյունքս վատը չէր, չէի ասի առավելագույն էր, բայց ցածր էլ չէր, եզրափակիչ մտնելու համար նորմալ արդյունք էր։ 2028 թվականի Լոս Անջելեսի ՕԽ-ին անպայման կտեսնեք ինձ։

- Շնորհակալություն, Էլմիրա, մեզ ժամանակ տրամադրելու համար։

- Ես էլ շատ զգացված եմ, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ