Ավստրալիայում որոշել են 16 տարեկանից ցածր երեխաներին արգելել սոցցանցերից օգտվել

Ավստրալիայի խորհրդարանի ստորին պալատը հավանություն է տվել 16 տարեկանից ցածր երեխաների համար սոցիալական ցանցերում օգտահաշիվներ ստեղծելու արգելքին։ Այս մասին գրում է «ՏԱՍՍ»-ը։

Օրենքին կողմ են քվեարկել 115 պատգամավորներից 102-ը։ Կանաչները և մի շարք անկախ պատգամավորներ դեմ են քվեարկել։ Եթե ​​օրինագիծն ընդունվի Ավստրալիայի խորհրդարանի վերին պալատի կողմից, Snapchat, TikTok, Instagram հարթակները, Reddit-ը և X-ը ստիպված կլինեն արգելել մինչև 16 տարեկան երեխաների կողմից օգտահաշիվների գրանցումը։ Օրենքի պահանջը չկատարելու դեպքում ընկերություններին սպառնում է 32,2 միլիոն դոլարի տուգանք։

Օրենքի ընդունման նախաձեռնողներից մեկը Ավստրալիայի վարչապետ Էնթոնի Ալբանեզն է, որն ասել է, թե ակնկալում է դրա «անվերապահ հաստատումը» մինչև շաբաթվա վերջ։

Լունդի համալսարանի սոցիոլոգ Ռոլանդ Պաուլսենն ավելի վաղ The Conversation-ում հրապարակած հոդվածում անդրադարձել էր երեխաների հոգեկան առողջության վրա սոցցանցերի ավերիչ ազդեցությանը՝ նշելով, որ եվրոպական շատ դպրոցներում սմարթֆոններն արգելվել են այդ պատճառով։ Մասնագետը, այդուհանդերձ, նշել էր, որ երեխաների և երիտասարդների շրջանում անհանգստության աճը չի կարող վերագրվել միայն տեխնոլոգիային:

Ըստ նրա՝ դեռ մինչև սմարթֆոնների լայն տարածում ստանալը, ցածր և բարձր եկամուտ ունեցող երկրներում հոգեկան հիվանդությունների տարածվածության տարբերություններ կային։ Ավելի հարուստ երկրների բնակիչներն ավելի շատ են միտված այսպիսի խանգարումներ ունենալ: Սա կարող է նշանակել, որ ոչ թե սմարթֆոններն են հանգեցնում դեպրեսիայի և անհանգստության, այլ ժամանակակից աշխարհում անորոշության նկատմամբ աճող անհանդուրժողականությունը, ռիսկերից խուսափելու մոլուցքը և ընդհանրապես աշխատանքի և կյանքի անիմաստության զգացումը:

Այս թեմայով ԱՄՆ-ում 8 երեխա սպանվել է Երևանում նախորդ ամիս ավելի քան 1500 երեխա է ծնվել և արձանագրվել է 633 մահ Փաշինյանի թիկնապահները հրելով Դավիթի ծնոտին էին խփել, նրանք խաղաղության աղավիներն են դպրոցի 3-ամյա երեխա են գտել փողոցում՝ միայն ներքնազգեստով ԴՕԿ կուսակցության պատվավոր նախագահ Վարդան Ղուկասյանի անունից հայտարարությամբ է հանդես եկել հայտնի փաստաբանը.Երեխաների արյունը չի կարող լինել քաղաքական հաշվարկի կամ ուժի ցուցադրության միջոց