ՀՀ սահմանամերձ գյուղերում բնակելի տուն կառուցելու համար պետությունը կաջակցի 21 մլն դրամի չափով

Կառավարությունն իր այսօրվա՝ դեկտեմբերի 12-ի նիստում որոշում կայացրեց, որը վերաբերում է ՀՀ սահմանամերձ գյուղական բնակավայրերում բնակարանային ապահովման պետական աջակցության ծրագրին:

ԱՍՀ նախարար Նարեկ Մկրտչյանը՝ ներկայացնելով որոշման նախագիծը, նշեց. «Այդ ծրագրի շրջանակներում Կառավարությունը դեռևս 2024 թվականի հունիսին ընդունած որոշմամբ սահմանել է, որ Տավուշի մարզի Բաղանիս, Բերքաբեր, Կիրանց և Ոսկեպար բնակավայրերում անհատական բնակելի տուն կառուցելու կամ կառուցապատումը շարունակելու նպատակով տրամադրվող հիփոթեքային վարկերի դեպքում ընտանիքներին կաջակցի ոչ թե 16, այլ մինչև 21 մլն դրամի չափով, եթե ծրագրին դիմելու օրվա դրությամբ նախորդ մեկ տարվա ընթացքում շահառուները հաշվառված են եղել տվյալ բնակավայրում»:

2024 թվականի սեպտեմբերի 4-ին վարչապետ Նիկոլ Փաշինյանը Վայոց ձորի մարզ կատարած այցի շրջանակում հանձնարարել էր ապահովել Վայք համայնքի Գոմք բնակավայրում ծրագրի վերաբացումը երիտասարդ ընտանիքների համար: «Այս նախագծով առաջարկվում է այս ծրագիրը վերաբացել Տավուշի մարզի Բաղանիս, Բերքաբեր, Կիրանց և Ոսկեպար, ինչպես նաև Վայոց ձորի մարզի Գոմք բնակավայրի համար հետևյալ քվոտայով. մինչև 50 շահառու՝ Ոսկեպարում, մինչև 50՝ Բաղանիսում, 40 շահառու՝ Բերքաբերում, 50 շահառու՝ Կիրանցում և մինչև 30 շահառու՝ Գոմքում. այս դեպքում պարտադիր է մինչև 13 տարեկան երեխա ունենալը»,- նշեց Նարեկ Մկրտչյանը:

«Այս նախագծով մենք առաջարկում ենք ևս 190 շահառուի տալ հնարավորություն ծրագրով սահմանված սահմանամերձ մյուս բնակավայրերում տուն կառուցելու համար, նրանց, որոնց շինթույլտվությունները տրվել են մինչև 2024 թվականի սեպտեմբերի 1-ը ներառյալ, բայց չէին հասցրել դիմել դրան, քանի որ սահմանաչափը լրացել էր, իսկ նրանք որոշակի ֆինանսական ծախսեր էին արել շինթույլտվության համար, որոշերը հողամաս էին ձեռք բերել, որ դառնային այս ծրագրի շահառու»,- ասաց նախարարը:

Այս թեմայով «Ժողովուրդ». Ընտրություններին ընդառաջ սահմանամերձ զորամասերում առատ գումարներ են բաժանվում Կրակը խժռում է Տավուշի սահմանամերձ հատվածը Եթե ստորագրվի խաղաղության պայմանագիրը և հասնենք կայունության, ապա ՀՀ-ի սահմանամերձ բնակավայրերի բնակիչներն անվտանգություն կզգան․ Միրզոյան Բոլգորոդում ուկրաինական հերթական հարձակվող խումբը հասել է սահմանամերձ Դեմիդովկա եւ հայտնվել ռուսական հրետանու կրակի տակ (Տեսանյութ, Քարտեզ) Ուկրաինական դեսանտի ոչնչացման կադրերը Խարկովի սահմանամերձ գոտում (ՏԵՍԱՆՅՈՒԹ)