«Ժողովուրդ». Ֆուտզալի Բարձրագույն խմբի առաջնությանը սկանդալ է եղել, որը փորձում են կոծկել

«Ժողովուրդ» օրաթերթը գրում է. «Ֆուտզալի Հայաստանի Բարձրագույն խմբի առաջնության 2024-25 մրցաշրջանում նոյեմբերի 25-ին «Երեւան ՖԱ-ի» եւ «Յունիսպորտի» միջեւ խաղից հետո վիճաբանություն եւ սկանդալ է գրանցել, ինչը կոծկվել է։

Բանն այն է, որ գործող չեմպիոն «Երեւանը» այս մրցաշարում կրեց իր առաջին պարտությունը, որն էլ դարձել է կռվի պատճառ։

Այս վիճաբանության կենտրոնում Ֆուտզալի Հայաստանի ազգային հավաքականի գլխավոր մարզիչ Ռուբեն Նազարեթյանն է, ով նաեւ մարզում է Ֆուտզալի «Երեւան» թիմին։

Ֆուտբոլի ֆեդերացիայից նույնպես հնարավոր չեղավ մեկնաբանություն ստանալ:

Ըստ ամենայնի՝ փորձ է արվում այս վեճը կոծկելու, ինչպես, օրինակ, սկանդալի մեջ հայտնված Խորեն Հովհաննիսյանի որդու՝ Ժորա Հովհաննիսյանի դեպքը։

Բանն այն է, որ Տhamshyan.com-ը գրել էր, որ հենց այդ մրցաշարի օրը՝ նոյեմբերի 25-ին՝ ժամը 17։00-ի սահմաններում, Գարեգին Նժդեհ փողոցի 37/9 հասցեում գործող «Տոսկանա» հյուրանոցում երիտասարդ կինը, լինելով անօգնական եւ գտնվելով ալկոհոլի ազդեցության տակ, պարտադրված սեռական հարաբերություն է ունեցել իր ծանոթի ընկերոջ հետ, իսկ իր ծանոթը իրեն ծեծի է ենթարկել՝ պատճառելով մարմնական վնասվածքներ։

Իսկ ավելի ուշ պարզվեց, որ բռնաբարության կասկածյալներից մեկը հայ հայտնի ու լեգենդար ֆուտբոլիստ Խորեն Հովհաննիսյանի որդին է։

Ավելի ուշ Ժորա Հովհաննիսյանը հերքեց իր մասնակցությունը «Տոսկանա» հյուրանոցում տեղի ունեցած անհասկանալի պատմության վերաբերյալ։

Հավելենք, որ Ժորա Հովհաննիսյանը մշտապես եղել է սկանդալների կիզակետում։ Տարիներ առաջ նա իր վարած Mercedes մակնիշի մեքենայով հարվածել էր Opel մակնիշի տաքսիի։ Ավելի ուշ պարզվել էր, որ Ժորա Հովհաննիսյանը ալկոհոլի ազդեցության տակ է եղել։

Բայց, ստացվում է, որ սա ֆուտբոլի եւ ֆեդերացիայի շուրջ սկանդալ չստեղծելու նուրբ քայլ է՝ ծածկադմփոց:

Ավելին՝ այս երկու անձինք, որոնց շուրջ պտտվում են ծեծի եւ բռնաբարության թեմաները, սերտ կապված են ՀՖՖ-ի եւ ՀՖՖ ղեկավար Արմեն Մելիքբեկյանի հետ. վիճաբանածը եւ բռնություն կիրառածը կանգնած են Մելիքբեկյանի կողքին եւ աջակցում են նրան։

Սա այն ամենն է, ինչ պետք է իմանալ Նիկոլ Փաշինյանի կառուցած արդարության եւ արդարադատության մասին»:

Առավել մանրամասն թերթի այսօրվա համարում

Այս թեմայով Այսօր հայտնի իրավապաշտպան Լեվոն Բաղդասարյանի քույրիկի տարեդարձն է Հայկական Շվեյցարիա, որը նոր շունչ ստացավ երիտասարդ համայնքապետի շնորհիվ «Ժողովուրդ». ԱԳՆ մամուլի խոսնակին բարձրագույն դիվանագիտական աստիճան է շնորհվել. Սա է հայաստանյան դիվանագիտությունը Գերմանիայում ակտիվորեն քննարկվում է Մերցի հրաժարականի հարցը. Կանցլերը փորձում է դիմադրել Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար