Գիտնականները փողոցի աղմուկը կապել են գլխուղեղի կաթվածի հավանականության բարձրացման հետ

Մոնրեալի համալսարանի գիտնականները պարզել են, որ փողոցի աղմուկը կարող է կապված լինել գլխուղեղի կաթվածի բարձր հավանականության հետ։ Հետազոտության արդյունքները հրապարակվել են Noise & Health ամսագրում:

Գիտնականները վերլուծել են 2000-2014 թվականներն ընկած ժամանակահատվածում Մոնրեալում բնակվող շուրջ 1,1 միլիոն մարդու առողջական վիճակի վերաբերյալ տվյալներն ու եկել այն եզրահանգման, որ ամեն անգամ, երբ աղմուկի բարձրությունը մեծանում է 10 դեցիբելով (dBA), 45 տարեկան և դրանցի բարձր տարիքի մարդկանց մոտ գլխուղեղի կաթվածի վտանգն ավելանում է 6%-ով:

Հետազոտության ամբողջ ընթացքում գլխուղեղի կաթվածով հոսպիտալացվել է 45 տարեկան և դրանցի բարձր տարիքի 26 հազար մարդ։ Գիտնականների խոսքով՝ մայրուղիներին, օդանավակայաններին ու երկաթուղիներին մոտ բնակվող մարդիկ ավելի շատ են ենթարկվում աղմուկի բացասական ազդեցությանը, ուստի նրանց մոտ գլխուղեղի կաթվածի հավանականությունն ավելի բարձր է լինում։

Մասնագետները ենթադրում են, որ սրտանոթային համակարգի վրա աղմուկի ազդեցության հիմքում ընկած մեխանիզմը հիմնված է սթրեսի ընդհանուր տեսության վրա։ Շրջապատի աղմուկի և դրան հաջորդող քնի խանգարման ազդեցությունը գլխուղեղում գործարկում է մի շարք ռեակցիաներ, որոնք հանգեցնում են ֆիզիոլոգիական չափորոշիչների, օրինակ՝ զարկերակային ճնշման փոփոխության։ Նման ֆիզիոլոգիական խանգարումները երկարատև հեռանկարում կարող են սրտանոթային հիվանդությունների, այդ թվում նաև գլխուղեղի կաթվածի զարգացման կամ խորացման պատճառ դառնալ։

Այս թեմայով Լրջագույն խնդիր, որի պատասխանատուն ու կրողը քաղաքային իշխանությունն է Ասֆալտապատումը դարձել է փող «լվանալու» միջոց Էդ մարդուն անիմաստ ինչու՞ են տարել մեկուսարան, 2 օր է՝ հաց չի կերել, դեղ չի խմել, անորոշ վիճակ է Կարեն Դեմիրճյան փողոցում օգոստոսի 18-31-ը երթևեկությունը կդադարեցվի մայթերի բարեկարգման պատճառով Երևանը նոր փողոց կունենա. Փաշինյան